Bumomo Bɔka 19:18 - Katɔti Ɔku Kedee

¹⁸ Na ukyuli ɔni nse sɛɛn na ulese lɛlɔ ɔlɛka ɔwia hisope lɛla lɛni lɛdia ntu bɔkuna buwi lɛla lɛdi lɛlɔ. Na uti ɔkya ntu libui lɛmmɔ kemmo na ɔkuna uwi Adi Kevo ɔtɔ ɔni na ukyuli úkpi-nwu kemmo mmɔ ku bekyuli bani nákya mmɔ ƒui. Kunyɔdi ukyuli ɔni nse sɛɛn ɔlɛka ɔkuna ntu bɔmmɔ uwi ukyuli ɔni nétuku ukpine likubi iye utuku ukpine ɔni na bádu iye anwu ɔlati nékpi iye kaƒiɔtɔ.

Bumomo Bɔka 19:18 Referans Kwoze

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Bumomo Bɔka 19:9

“Na ukyuli ɔni nse sɛɛn ndubɔbuma akɔ ntɔ bɔmmɔ utéwi kesii kani nse sɛɛn na bana keliekɔ kammɔ kama. Na ntɔ bɔmmɔ bɔdubuwi mmɔ bute Israelƒuɔ kadi kammɔ na beteewi ntu kemmo taabla lɛlɔ bɔbla sɛɛn ɔdi.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yohane 17:17

Bla-ma kedee te ƒula lɛlɔ ɔkɛnku ƒula etemila geen ani na bénu lɛlɔ. Ɔsika ƒula litemi lɛdi litemi geen.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.

Bumomo Bɔka 19:17

“Asa na ukyuli ɔni muusé lɛlɔ mmɔ ɔdubɔbla sɛɛn ni, ɔlɛka bama akɔ ugyiedi ntɔ bɔni bákyula na amu muudie likpidi na ukyuli lɛlɔ mmɔ bɔdi. Na beti ntɔ bɔmmɔ bewi libui kemmo na bedu ntu bɔbuni bewi-nwu kemmo.

Bumomo Bɔka 19:19

Na limeyi lɛtɛdi ku maatɛdi lɛlɔ ni, ukyuli ɔni nse sɛɛn ɔkuna ntu bɔmmɔ uwi ukyuli ɔni neeese sɛɛn mmɔ lɛlɔ. Na limeyi maatɛdi lɛlɔ ukyuli mmɔ ɔlɛka ɔƒɔ nwuna adala na ɔkpi ntu. Na ɔmmɔ kama ukyuli ɔni nákuna ntu bɔmmɔ úwi lɛlɔ mmɔ ɔbla-nwu sɛɛn. Na si ɔƒɔ na ukyuli mmɔ ɔbla sɛɛn.

Yesaia 52:15

Mina kabla ɔblane ɔmɛni ndubɔya na kadi bekyuli bamanku kalɛ na bakpa-mi. Na ɔdubɔbla baga kalɛ kadi na babla kpoo, na beboku eli kalɔ. Na lɛla lɛni na bétenu iye banu kudii ni, badubɔbla kasusu basiku-nya lɛlɔ na ɔbla-ma nwaa.”

Kɔgya 51:9

Veli mina alaekpidi ƒui die-mi lɛlɔ na edie-nya atu.