Bumomo Bɔka 15:5 - Katɔti Ɔku Kedee

⁵ Koƒonu kɔkɔdi biala na ɔdi úti ɔɔbla bɔkyula akpala ni, na uti ntɛ ɔsii bonwu unwi ɔbla ntɛ akpala.

Bumomo Bɔka 15:5 Referans Kwoze

Bumomo Bɔka 28:14

Na akɔ biala ɔlɛka beti ntɛ lɛɛƒɛɛ ine babla akpala ammɔ. Na koƒonu akpala ɔlɛka beti ntɛ lɛɛƒɛɛ ɛtɛ babla-nya. Na koƒonu ubi biala akpala ɔlɛka beti ntɛ lɛɛƒɛɛ inyɔ babla-nya. Na ɔmɛni ndi kɔbuli kɔwɔdi biala bɔkyula akpala ani badubo butaabla lɛkwa kemmo.

Bumomo Bɔka 28:7

Na ɔtanta koƒonu kɔni bɛdubo buti bɔbla akpala ammɔ ni, bɛwia ntɛ bɔni bébulo lɛɛƒɛɛ inyɔ na biwilimi biwi lɛkpabi lɛmmɔ lɛlɔ.

Timoteo 2 4:6

Ɔsika ami ni, mina ngba bɔdaku kalɔ buwi aani ntɛ lɛkpa. Na uwi lɛnɔ úudu ka lɛtɔlɔ kayawi kamɛni kemmo.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Lɛnu Ƒui Ɔnu 1:4

Kpanku-mi da na bɔtɔlɔ pla! Na awɔ ɔga eti-mi eduoku ƒula kɔtɔma. Lɛlɔ lɛɛyɔ́-bu na ƒula lɛlɔ. Na kalɛ na aayɔ́ bekyuli ubo emini utulo ntɛ mini mini. Ɔdia geen ka bemwi-ɔ.

Kɔgya 116:13

Ndubuti ɔɔƒɛɛ ku ntɛ minimini etela mbakpa lite Unwoti na lɛgya-nwu enu ka ɔ́ƒɔ-mi ngba ɔsu.

Litemi Batɛne 9:13

“Nsu ntɛ kubo kúdie kenye ɔnini, ‘Nda mina ntɛ bɔni bubo emini mɛni bute benwoti ku bekyuli lɛya na liti-nwu nteete egyii?’

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 3:6

“ ‘Nsu si bese ku baƒonu na ɔdanku úboku ka ubabla unwi bɔbla akpala ɔdi ɔmmɔ ute-mi ni, ɔkana uboku ebuo ɔgyani iye uledi. Nsu ɔnu ka use sɛɛn na útasɔ kesii kadi.

Lewiƒuɔ Ɔda Bubo 3:7

Na si koƒonu ubi na ɔda ɔnii uuti uboku aani nwuna akpala ni, ɔlɛka uti uboku mina anumi.

Bumomo Bɔka 15:6

“ ‘Na koƒonu kɔgyani kunengudi biala na ɔdi úti ɔɔbla akpala ammɔ ni, na uti ɔlaaƒɔ buni akyami anyɔ ɔni na básala ku nnɔ ɔsii bonwu unwi ku kakɛ uboku aani edula ebi akpala,

Bumomo Bɔka 15:11

Na akɔ iye koƒonu kɔgyani iye koƒonu kɔkɔdi iye ese ɔkɔdi ɔdi biala ni, ulu ɔmɛni lɛlɔ na badubɔbla-nwu basiaku ute akpala ammɔ bɔbla.

Ala Alɛdi 2 29:35

Na bebuo bani na bádu bákyula bábla akpala ammɔ kama ni, beti bana ƒui lɛmwi bábakyula kede aani unwi bɔbla akpala na béti ntɛ akpala ammɔ ƒui lɛnɔ béwi lɛkpabi lɛmmɔ lɛlɔ. Anwuɔsu kakpakɔ kammɔ kásɔ kénwini kébese aani kuuku kalɛ, na baakpá Unwoti na mmɔ.

Israelƒuɔ Bɔlɛ 29:40

Na kudeedi ni, wia bodobodo ɔlaaƒɔ ɔni muukeye na akya akyami anyɔ. Na akya nnɔ ɔɔƒɛɛ unwi ewi-nwu lɛlɔ. Na akya ntɛ lɛnɔ ɔɔƒɛɛ unwi ewi-nwu kemmo na eti abla akpala ammɔ.

Lewiƒuɔ Ɔda Bubo 23:13

Na biti edula ebi lɛkyami linwi lɛni béti bákɔ ɔlaaƒɔ na uukeye na biti nnɔ bɛsala-nwu kemmo na biti bɛbla akpala bɔkyula ammɔ bite Unwoti úbunku ntɛ akpala ɔsii unwi. Na akpala ammɔ ɔnyi ƒɛƒɛɛ ɔdubɔyɔ Unwoti kaƒɔ.

Esra 7:17

Na ada egulabi ani búti búte-ɔ mmɔ kaduɛ. Na eti eye ɔmantɛ bakɔ ku bakɔ bakɔdi ku baƒonu bakɔdi ku kakpa ku ntɛ na eti abla akpala na Katɔti kakpakɔ lɛkpabi lɛni nkya Yerusalem mmɔ lɛlɔ.