Bumomo Bɔka 15:31 - Katɔti Ɔku Kedee

³¹ Ɔsika útabu Unwoti litemi na ɔ́ta únye nwuna ɔda bubo lɛlɔ, ɔsu ɔlɛka bekulo ukyuli ɔmmɔ udu bedie nwuna bekyuli akɔ kede kede na anwu ɔlati ɔdubuti nwuna likpidi etila.’ ”

Bumomo Bɔka 15:31 Referans Kwoze

Agba 13:13

Bekyuli bani muuní ka bekyuli balɛ-ma ni, ɔgbankpi kemmo kani na badubo buduo. Na bani mɔɔbu bekyuli bɔlɛ ni, badubo bukpo bɔlɛ.

Samuel 2 12:9

Bi ɔsu na átadi Unwoti litemi lɛlɔ na ábla likpidi na nwuna anumi? Awɔ nádu Uria Hitini ku kewii na áƒɔ ulekudi énwini awɔ ɔdi. Ɔkɛnku awɔ ɔsu na Amonƒuɔ bádu-nwu ku kewii.

Esekiel 18:20

Bekyuli bani muulie taabla likpidi kani na badubo bɔdu. Bebi baaadubo abi adi bubo na bana bawɔne ablala ɔsu. Na lɛni kani na bawɔne lɛnɔ baaadubo abi bubo na bana bebi ablala kenye. Mmomu bekyuli bani nábla likpidi kani na badubo bɔdu. Bebi baaadubo abi bubo na bana bati ekpidi ɔsu. Na bawɔne lɛnɔ baaadubo abi bubo na bana bebi ekpidi ɔsu. Na badubo kayu kabuni bɔƒɔ bute bekyuli babuni na ala ani na bábla ɔsu.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Kɔgya 119:126

Unwoti, uwi údu ka abla lɛla lɛdi ɔsi kalɛ na bekyuli baládi ƒula ɔda bubo lɛlɔ ɔsu.

Lewiƒuɔ Ɔda Bubo 5:1

“ ‘Si báda ukyuli ɔdi kenye na kadi akɔ na awɔ ɔdi agyi lɛla lɛdi iye énu-ni lɛlɔ lɛla lɛdi na ébulo na étedie kenye ni, ƒula etila na adi na ebo lɛtuni na ɔmmɔ ɔsu.

Petro 2 2:21

Si nka bétenu ngba siin bulie lɛlɔ litemi kudii muedi ni, nka ɔdia-ma utulo. Nsu bénu-ni asa na básɔ bédeyi ulu ɔmmɔ, na baládi ɔda bubo kedee bɔni na béte-ma lɛlɔ.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yesaia 30:12

Ɔmmɔ ɔsu Israel Unwoti Kedee ɔnini, “Ka bíni mina litemi na likyulikpi ala bɔbla ku ɔkɔ ala mmomu mɔɔda-mii kubiti ɔsu ni,

Kɔgya 38:4

Ɔsika mina ekpidi énwini etila asia-mi lili. Na ebo-mi unu geen na étulo-mi muedi.

Lewiƒuɔ Ɔda Bubo 26:43

Ɔsika badubɔda kalɔ kammɔ bewi na kakɛ kana bɔnwuna akwa ka basɔ balábla-ka lɛlɔ kabla kadi ɔsu. Na badubɔƒɔ bana ekpidi kayu, ɔsika béni mina ɔda bubo na bátadi mina litemi lɛlɔ.

Lewiƒuɔ Ɔda Bubo 26:15

iye bíni mina ɔda bubo na biikisi mina bunyimi na bɛ́ta bínye-mu lɛlɔ na bínwini kama bɛ́kya-mu ni,

Kɔgya 107:11

Ɔsika báta bénye Katɔti Ɔyikune Ƒui lɛlɔ na béni nwuna bɔlɛ.

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Lɛkpa Ulu 17:12

Na ukyuli biala na ɔnii ulénu litemi ɔtɛne iye Katɔti ɔkpane litemi lɛni bátɛ mmɔ kalɔ ni, na bebo-nwu badu. Na bitaada bekyuli likpidi lɛmɛni udu teedie bina akɔ.

Samuel 1 3:14

Ɔmmɔ ɔsu líse kenye na lɛ́su ka Eli ku nwuna kaduli bekyuli likpidi lɛni na bábla ni, akpala iye kɔtɔ bukpi etela adi alakana likpidi lɛmmɔ budie.”