Bumomo Bɔka 14:33 - Katɔti Ɔku Kedee

³³ Na bina bebi badubo abi bubo na bataaka taamana kalɔ kakwiidi kamɛni kemmo akwa aavlene sɔɔn útédu ka bina ƒui bíkpi bɛ́sa.

Bumomo Bɔka 14:33 Referans Kwoze

Esekiel 23:35

“Buse geen na ése éni-mi ƒui kede kede, anwuɔsu na ami lɛnɔ líse kenye ka adubɔkɛ ƒula lɛtuni na ala ani na ábla aani ɔyalɛ na eesé lɛlɔ mmɔ ɔsu.”

Bumomo Bɔka 32:13

Na ɔmmɔ ɔsu Unwoti úti kɔnyi kpakplaa ɔ́kya Israelƒuɔ na ɔ́ya na bakɛ baaka taamana ketele kalɔ kakwiidi kammɔ kemmo akwa aavlene sɔɔn útédu ka kaba kani bekyuli nábla likpidi na Unwoti anumi békpi báyii udu.

Kɔgya 107:40

Nsu Unwoti uuti kɔnyi taakya-ma na lɛla lɛni baabla ɔsu. Na ɔɔbɔku-ma taatákya kalɔ kakwiidi kemmo na bakɛ baaví ɔni na baaagyi kesii kani bésela.

Lɛkpa Ulu 2:14

Na akwa ani búti bɔ́ta bɔ́si Kades-Barnea úbédu uwi ɔni na bɔ́via Sered Ketu adi akwa Avlaatɛ-maane. Na uwi ɔmmɔ kemmo na bekyuli bani ƒui na bédu kekpo busie békpi bása aani kalɛ na Katɔti ɔ́su úse.

Hosea 9:1

Israelƒuɔ, lɛlɔ litayɔ-ɔ munu munu! Na tebimi lɛlɔ aani kalɛ na kadi bamba bekyuli baadi bana emeyi kalɛ, ɔsika ádi lɛyalɛ ágya na álɛ ƒula Unwoti Katɔti kama. Na akɛ eebi taata na kesii biala na beewiile edula, na aaƒɔ́ lɛla lɛdi biala na bɛ́di kuye ka bete-ɔ.

Kɔgya 107:4

Badi bábwɛ béduo kalɔ kakwiidi kemmo bakɛ baaví na baaagyi kesii kani na basia beduo ɔma unengudi ɔdi kemmo na belie mmɔ.

Yosua 14:10

“Nsu nu! Akwa aavlene-alɔ kemmo na bɔkya mɛni ka Unwoti ɔ́su Mose litemi lɛmɛni. Uwi ɔmmɔ kemmo na bɔ́mu bɔkɛ kalɔ kakwiidi kemmo. Na ka Unwoti ɔɔdi nwuna litemi lɛlɔ ɔsu ni, lɛ́mu nli ngba úti úbedu ɔƒɛni. Aanu-mi ɔmwi! Lɛ́ɛkɛ akwa liti ku avlaatɛ-alɔ sɔɔn.

Lɛkpa Ulu 1:3

Ɔƒɛni na bana mmɔ bɔkya lɛkwa aavlenedi kemmo na kɔbuli leevu-unwi limeyi lideedi lɛlɔ ni, Mose ɔ́kɔ lɛsa úte Israelƒuɔ ala ani na Unwoti ɔ́su-nwu ɔ́siku-ma lɛlɔ.

Bumomo Bɔka 33:38

Na Unwoti ɔda bubo lɛlɔ ni, ɔkpane Aaron ɔ́kɔ úsie Hor Kɔbi lili kesii kani na útékpi na lɛkwa aavlenedi kuna kɔbuli kɔlɔndi limeyi lideedi lɛlɔ ɔni na Israelƒuɔ bálɛ Egyipte kalɔ lɛlɔ.

Bumomo Bɔka 5:31

Ɔnana ɔmmɔ útaƒiɔ si ɔ́bla ɔmɛni mmomu uleku ɔmmɔ ɔdubɔkɛ nwuna likpidi kɔtu bɔni biala.’ ”

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Lɛkpa Ulu 2:7

Na bínyimo kalɛ na bina Unwoti Katɔti úte-mii kusɛ kusɛ na bina kabla biala kemmo. Na anwu nákya-mii akɔ na ɔ́nu-mii lɛlɔ na kalɔ kakwiidi bonwu kamɛni kemmo akwa aavlene sɔɔn na bítayaki lɛla lɛdi.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Lɛkpa Ulu 8:4

Na bɛnu bɛti ka akwa aavlene amɛni ulu busie kemmo ƒui ni, ɔdi biala awu útabwɛ na ɔdi ɔgba lɛnɔ úteƒu.

Lɛkpa Ulu 29:5

Na akwa aavlene kemmo ni, Unwoti ɔ́tɔnku-mii na kalɔ kakwiidi kemmo ɔni na ukyuli ɔdi adala iye agbanvuo étebie.

Yosua 5:6

Na akwa aavlene na Israelƒuɔ beti bésie bana ulu. Na uwi ɔmmɔ kemmo ni, banana bani ƒui nédu kekpo busie ƒui békpi ka bátádi Unwoti litemi lɛlɔ ɔsu, ɔsika Unwoti úse kenye ka balanu kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ. Na aka na ɔ́su bana bati kuuku use ka wete-ma.

Kɔgya 78:33

Ɔmmɔ ɔsu na ɔ́ya na ɔgbankpi úbo-ma lɛlɔ na bana ngba bɔ́da liku na búbo kawɔlɔkɔ kɔnakunwi.