Bumomo Bɔka 14:19 - Katɔti Ɔku Kedee

¹⁹ Na ɔkɛnku ƒula lɛƒɔndia bonwu ɔsu ni, ti bana ekpidi kyiɛ-ma aani kalɛ kani na eeti takyiɛ-ma ɔ́si uwi ɔni na bɔ́lɛ Egyipte kalɔ lɛlɔ úbedu ɔƒaani.”

Bumomo Bɔka 14:19 Referans Kwoze

Israelƒuɔ Bɔlɛ 34:9

Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Daniel 9:19

Ti bula bɔƒiɔ kyiɛ-bu! Yile bubo na ababla lɛla lɛdi na ɔɔɔdi ƒula ɔma ɔmmɔ kani iye abu ƒula bekyuli baƒunadi lɛti ɔsu, mmomu kalɛ na aya na ƒula lɛnyi likeye ɔsu.”

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Baga 1 8:34

buvele nda-a, nu-ma bɔkpali asiku katɔ mmɔ. Na eti bana ekpidi akyiɛ-ma. Na asɔku-ma ebese kalɔ kani na éti éte bana bati kuuku mmɔ lɛlɔ.

Israelƒuɔ Bɔlɛ 33:17

Amu na Unwoti ɔ́su Mose ɔnini, “Kalɛ na aayɔ́ ka lɛbla lite-ɔ ni, lɛni kani ndubo bɔbla. Ɔsika ngyi-ɔ kaduɛ na ƒula ala ƒui aayɔ́-mi kaƒɔ.”

Bumomo Bɔka 23:21

“Ɔsika ńtanu ɔgbankpi ɔdi na Yakob kaba lɛlɔ, na ńtanu lɛƒɛda lɛdi na Israelƒuɔ lɛlɔ. Bana Unwoti Katɔti ɔ́kya-ma akɔ. Na beedie kudu taasu banii anwu ndi bana ɔga.

Kɔgya 85:2

Éti ƒula bekyuli ekpidi ákyiɛ-ma na ásɔ elényimo-nya.

Habakuk 3:2

Unwoti, ngyi kalɛ na áƒɔ lɛnyi, anwuɔsu na ɔ́bla-mi kalɛ kadi ka lɛ́nu ala ani na ábla. Buvele, ya na ƒula kɔnyi kɔyɔ-ɔ, na anu-bu kɔnyana. Na abla ete-bu kalɛ na ábla éte bula bati kuuku.

Amos 7:2

Na uwi ɔni na nnye mɔɔnu na baalɔlɔ bammɔ bádi lɛla biala bédie báwɔlɔ ni, lívele-nwu nnini, “Unwoti Ɔyikune Ƒui, nu-ma kɔnyana na eti akyiɛ-ma! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani badi na beeebo ɔyikun ɔdi!”

Amos 7:5

Mmɔ na lívele-nwu nnini, “Unwoti Ɔyikune Ƒui, tabla kalɛ na ásu! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani na badi na beeebo ɔyikun.”