Bumomo Bɔka 13:31 - Katɔti Ɔku Kedee

³¹ Nsu bekyuli bani na ama ku Kaleb bésie mmɔ bénye momoomo básu banii, “Bulakana-ma bukpoku, ɔsika bebo ɔyikun betulo-bu.”

Bumomo Bɔka 13:31 Referans Kwoze

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Yosua 14:8

Nsu bekyuli bani na ami ku-ma búsie ni, báya na bɔyia ku liƒu liduo bula bekyuli kemmo. Nsu ami lɛ́di Mina Unwoti Katɔti litemi lɛlɔ geen.

Hebriƒuɔ 3:19

Anwuɔsu bɔ́nu bɔ́ti ka ɔni na bátaƒɔ-nwu bátadi ɔsu na bátakana-nwu bɔni bude na bakɛ bɔnwuna.

Bumomo Bɔka 32:9

Uwi ɔni na bésie Eskol Kɔwɛ kemmo na bénye mmɔ bánu kalɔ kammɔ kemmo ni, bénwini bébo na bábaƒɛ Israelƒuɔ bammɔ enu kalɛ na basɔ balakana kalɔ kani Unwoti úti úte-ma kemmo buduo.

Lɛkpa Ulu 9:1

Bise atu na binu! Ɔmwi limeyi lɛmɛni lɛlɔ ni, bɛdubo Yordan Ketu bɔvia na bisie bitáƒɔ kalɔ kani na kana bekyuli bemomo na bebo ɔyikun betulo-mii binwini bina kadikɔ. Na bana lɛma linengudi líbomo kaduɛ na lɛma lɛmmɔ awodu ákuku ésie kayaa geen.

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Samuel 1 17:33

Mmɔ na Saul ɔ́su Dawid ɔnini, “Naaanu kalɛ na adubuti adi ukyuli ɔmɛni lɛlɔ. Ɔsika ɔnamu kani na adi na anwu ɔdi ukpone ɔ́si nwuna lɛkloƒu uwi ƒui úbedu ɔƒaani.”

Bumomo Bɔka 32:7

Bi ɔsu na bɛɛyɔ́ ka bɛƒɛ Israelƒuɔ enu ka besie betéti kalɔ kani na Unwoti úti uute-ma mmɔ?