Bumomo Bɔka 13:29 - Katɔti Ɔku Kedee

²⁹ Amalekƒuɔ belie bésie Negev kalɔ kemmo na Hetiƒuɔ ku Yebusiƒuɔ ku Amoriƒuɔ ama belie abi eli. Na Kanaanƒuɔ belie bésie ɛpu amadɔ na Yordan kakɛ.”

Bumomo Bɔka 13:29 Referans Kwoze

Bumomo Bɔka 14:43

Na si bísie bɛnii bitékpoku Amalekƒuɔ ku Kanaanƒuɔ ni, badubo-mii lɛlɔ bɔdi na badu-mii ku kuwii. Ɔsika Unwoti ɔɔɔdubo-mii kama bɔsiaku ka bíni nwuna litemi na bítadi-ni lɛlɔ ɔsu.”

Litemi Batɛne 6:3

Na uwi biala na Israelƒuɔ bákya edula ni, na Midianƒuɔ ku Amalekƒuɔ ku bekyuli bamba bani nási ɔƒɛ katukɔ kakɛ beebo teebeyu-ma taatu na bekpoku-ma.

Kɔgya 83:7

Gebal ku Amon ku Amalek ku Ƒilistia ku Tire kadi bekyuli.

Samuel 1 30:1

Dawid ku nwuna bekyuli bétéduo Siklag ɔma limeyi lɛtɛdi. Na emeyi alɛɛ ani na bátɔlɔ mmɔ kemmo ni, Amalekƒuɔ bébekpoku ɔma ɔmmɔ ku ntɛ mmɔ kalɔ kakwiidi kammɔ ƒui na béti-ma ala bátɔlɔku na bákyula mmɔ bene ƒui.

Samuel 1 14:48

Úkpo lɛnanabi kemmo na ɔ́di Amalekƒuɔ lɛlɔ na údie Israel na bekisine bani ƒui nnye muukpóku-nwu na beeƒie-ma ala taaƒɔ ƒui enu kemmo.

Bumomo Bɔka 24:20

Amu Na Bileam ɔ́nu Amelekƒuɔ na údie kenye kamɛni ɔnini, “Amalekƒuɔ ndi bekyuli bedeedi na kadi akɔ. Nsu badubo bɔyii udu na kawɔlɔkɔ.”

Bumomo Bɔka 14:45

Mmɔ na Amalekƒuɔ ku Kanaanƒuɔ báta na bétékpoku-ma na bádi-ma lɛlɔ na bábi básiaku-ma laa bétédu Horma.

Bumomo Bɔka 14:25

Na ka Amalekƒuɔ ku Kanaanƒuɔ belie bésie kɔwɛ kemmo ɔsu ni, kɔnaadi binwini bitásia ketele kalɔ kakwiidi ulu ɔni na úti anumi ɔɔtina Ɛpugyie mmɔ lɛlɔ.”

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Ala Kalɔ Buse 14:7

Mmɔ na básɔ bénwini bésie En-Misƒat, kesii kani basɔ baalɔ lɛnɔ banii Kades. Na bádi Amalek kalɛkɛ mmɔ ƒui lɛlɔ ku Amoriƒuɔ bani nli Hasason Tamar kalɔ lɛlɔ.

Bumomo Bɔka 13:17

Uwi ɔni na Mose ɔ́tala bekyuli bammɔ ɔnii batávi banu Kanaan kalɔ kammɔ ni, ɔ́su-ma ɔnini, “Si bísela ni, na bɛsia Negev kalɔ kemmo na biti bɛkɔ bisie abi lɛma kalɔ kammɔ kemmo.

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 9:1

Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.

Yosua 10:5

Ɔmmɔ kama Amoriƒuɔ baga ɛlɔ bammɔ ku Yerusalem ɔga ku Hebron ɔga ku Yarmut ɔga ku Lakis ɔga ku Eglon ɔga básala bana bekpone na bátáka bámana Gibeon na békpoku-ma.

Yosua 10:6

Amu na Gibeonƒuɔ bátala bekyuli bésienku Yosua kudɔ na Gilgal kesii kani na Israelƒuɔ básala belie, ka bátásu-nwu banii, “Ati, buvele bɔda-a, ta ku ƒula bekpone kɔnakunwi na bibekpo bɛƒɔ-bu! Ɔsika Amoriƒuɔ baga bani nlie abi amadɔ ƒui básala lisu na béti bana bekpone na bébo bébekpoku-bu.”

Samuel 1 7:14

Ɔƒɛni Israelƒuɔ lɛma lɛni na Ƒilistiƒuɔ báƒɔ ɔ́si Ekron útédu Gat ni, Israelƒuɔ básɔ báƒɔ-ni. Na kalɛkɛ kani na Ƒilistiƒuɔ báƒɔ na amadɔ mmɔ ni, Israelƒuɔ báƒɔ mmɔ lɛnɔ. Ɔmmɔ ɔsu atu bɔyɔ bɔ́kya Amonƒuɔ ku Israelƒuɔ ntɛ ƒui.

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Lɛkpa Ulu 20:17

Na lɛma lɛmmɔ ndi Hetiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛma aani kalɛ na Unwoti úbo-mii ɔda úse ka bɛbla-ma mmɔ.

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.

Litemi Batɛne 3:5

Anwuɔsu Israelƒuɔ bammɔ ku Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ bélie mmɔ básala.

Samuel 1 27:8

Na Gesurƒuɔ ku Gersiƒuɔ ku Amalekƒuɔ bákya kalɔ kani na kewi ɔ́si Telaim úsie Sur na ɔkɛ útádanku Egyipte kalɔ. Kadi kamɛni bekyuli na Dawid úkpoku.

Nehemia 9:8

Awɔ nánu ka nwuna kayi kése siin. Ɔmmɔ ɔsu ényimiku-nwu na éti Kanaanƒuɔ ku Hetiƒuɔ ku Girgasiƒuɔ kalɔ éte nwuna kaba bekyuli. Na ádi ƒula linyese lɛlɔ, ɔsika ese siin.