Bumomo Bɔka 12:2 - Katɔti Ɔku Kedee

² Na beeye banini, “Mose lɛlɔ lɛti na Unwoti ɔ́tɛmi ɔ́siaku na útatɛmi útasiaku abu lɛnɔ lɛlɔ dii?” Na Unwoti únu lɛla lɛni na básu.

Bumomo Bɔka 12:2 Referans Kwoze

Bumomo Bɔka 16:3

Bekyuli bamɛni báta na lisu kemmo bésie Mose ku Aaron kudɔ na bátásu-ma banini, “Bɛɛyɔ́ bisie ɔgyu bɛgya! Israel kadi bekyuli ƒui bese kedee bete Unwoti bana ɔdi biala, na Unwoti ulieku bula ƒui. Na bi ɔsu na bɛɛnu lɛlɔ katɔ katɔ teetuloku Unwoti bekyuli lɛni?”

Ƒilipiƒuɔ 2:14

Bitaabla lɛla biala basu-mii, na bitata bitenye lɛlɔ lɛlɔ, na bitakyaku lɛlɔ unyeƒi.

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Yesaia 37:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Baga 2 19:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Bumomo Bɔka 11:1

Na Unwoti únu ka Israelƒuɔ bamɛni bésie kalɔ beetemi enyekpi taasiku-nwu lɛlɔ na lɛbibo lɛni baasiáku ɔsu. Na ka Unwoti únu bana etemila ammɔ ni, úti kɔnyi kaduɛ. Na ɔkɛnku ɔmmɔ ɔsu ɔ́ya na ogya ɔ́si katɔ na úbakyula ala na bana keliekɔ mmɔ amadɔ.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Samuel 2 11:27

Na ka ɔ́bla ukpinele ala ɔ́wɔlɔ ni, Dawid ɔ́ya na bátákpanku-nwu béboku nwuna kaduli. Na úti-nwu únwini ulekudi na ɔ́wɔ ubi ɔnanabi úte-nwu. Nsu Dawid ɔbladu ɔmɛni ƒui útayɔ Unwoti kaƒɔ.

Bumomo Bɔka 11:29

Amu na Mose údie-nwu kenye ɔnini, “Anumi eegyie-ɔ mina lɛlɔ yoo? Si nka ami lɛti ni, nka Unwoti bekyuli ƒui benwini nwuna kenye bediene na Unwoti ɔya na nwuna kɔyu kɔƒɔ-ma lɛlɔ kemmo!”

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Agba 13:10

Bekyuli bani mɔɔtalaku lɛlɔ katɔ baakya unyeƒi pii. Na bekyuli bani muunú bɔlɛ baadá anu.

Israelƒuɔ Bɔlɛ 7:10

Anwuɔsu Mose ku Aaron bésie Ƒarao kudɔ na bábla kalɛ kani na Katɔti úbo-ma ɔda. Na Aaron ɔ́da ugyii ɔmmɔ ɔ́va kalɔ na Ƒarao ku nwuna benengu anumi. Na ugyii ɔmmɔ únwini kɔlakpi kɔnakunwi.

Israelƒuɔ Bɔlɛ 5:1

Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”

Ala Kalɔ Buse 29:33

Lea ɔ́sɔ úbada kaƒɔ na ɔ́wɔ ɔnanabi unyɔdi. Na ɔmmɔ ɔsu ɔ́su ɔnini, “Ka Unwoti Katɔti únu ka mina ɔgyani ulayɔ-mi ɔsu na úte-mi ubi ɔmɛni lɛnɔ.” Anwuɔsu ɔ́sia-nwu lɛnyi ɔnii Simeon, na nwuna kalɔ ndi Katɔti únu.

Israelƒuɔ Bɔlɛ 4:30

Na Aaron ɔ́su batɔnkune bammɔ lɛla biala na Unwoti ɔ́su Mose. Na Mose lɛnɔ ɔ́bla akɔla budie taatina lidu lidu na batɔnkune bammɔ anumi.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Israelƒuɔ Bɔlɛ 4:14

Amu na Unwoti úti kɔnyi kati kati ɔ́kya Mose na úye-nwu ɔnini, “Ƒ'ɔnwani Aaron, Lewini ɔmmɔ nɔɔ? Ngyi ka ɔgyi bɔtɛmi, na ɔsia ulu lɛlɔ lɛnɔ ɔdubo ubasiaku-ɔ, na kubiti kɔdubɔƒɔ-nwu kayi kemmo si ɔ́nu-ɔ.