Bumomo Bɔka 11:1 - Katɔti Ɔku Kedee

¹ Na Unwoti únu ka Israelƒuɔ bamɛni bésie kalɔ beetemi enyekpi taasiku-nwu lɛlɔ na lɛbibo lɛni baasiáku ɔsu. Na ka Unwoti únu bana etemila ammɔ ni, úti kɔnyi kaduɛ. Na ɔkɛnku ɔmmɔ ɔsu ɔ́ya na ogya ɔ́si katɔ na úbakyula ala na bana keliekɔ mmɔ amadɔ.

Bumomo Bɔka 11:1 Referans Kwoze

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Baga 2 1:12

Amu na Elia údie kenye ɔnini, “Si Katɔti ukyuli na ndi ni, na ogya ɔsi katɔ na ubakyula awɔ ku ƒula nkyuli liti bammɔ.” Mmɔ kani na ogya ɔ́si katɔ na úbakyula anwu ku nwuna bekyuli liti bammɔ.

Bumomo Bɔka 16:35

Kɔnakunwi ni, ogya ɔ́si katɔ úbakyula nkyuli eti alɔ bani mɔɔkyula oloƒui mmɔ.

Lɛkpa Ulu 9:22

Na uwi ɔni na bílie kesii kani baalɔ Tabera ku Masa ku Kibrot-Hataawa ni, lɛni kani na bɛ́kya bina Unwoti Katɔti kɔnyi.

Lewiƒuɔ Ɔda Bubo 10:2

Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ.

Israelƒuɔ Bɔlɛ 16:9

Amu na Mose ɔ́su Aaron ɔnini, “Kɔ lɛsa te Israelƒuɔ ƒui anini, ‘Bibo bibenye Unwoti anumi, ɔsika únu kalɛ na bɛkya bɛɛdɔnku-nwu.’ ”

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Korintoƒuɔ 1 10:10

Na ɔɔɔdi ka butaata teenye Katɔti lɛlɔ aani kalɛ na bana badi bábla ɔsu, na Katɔti ɔtu ɔni nda kukpi ɔyikun ɔ́kyula-ma.

Yesaia 30:33

Na ɔ́si kukuuku ni, Katɔti ɔ́ɔklibi kesii kadi úse úte Asiriaƒuɔ baƒiɔ bani na baatu lili aani ɔga ɔni ndubo bukpi. Na ogya ɔmɛni kasalakɔ kadi ubu voo ɔni na nwuna kemmo kábɛbɛ na bátɛ ekyweni bése béte-nwu. Na ogya agyabi ku ɔnyi ɔni na Katɔti ɔdubɔnwuna ɔlɛku nwuna lɛlɔ kemmo na ɔdubuti ɔtu ɔkya ekyweni ammɔ.

Kɔgya 106:18

Ogya ɔ́bwɛ úbayu bekyuli bani ƒui nsiaku Abiram kama na ɔ́kyula balalane bammɔ ƒui.

Kɔgya 78:21

Ala amɛni ƒui áya na livo líƒi Katɔti ka únu-nya. Anwuɔsu ɔ́ya na ogya úbo úbakyula-ma na katɔ kani na nwuna kɔnyi kɔɔkɔ́ teebu na bana lɛlɔ.

Hiob 1:16

Kabla ɔblane ɔmɛni útawɔlɔ tɔ kenye kamɛni bɔsu asa na ɔbamba ɔ́da úbalɛ ɔnini, “Katɔti ɔ́ya na katɔ kábwɛ ogya na úbewi ƒula baƒonu ku bana badane lɛlɔ na bákywi ƒui na ami kani nébu na líbo nnii mbasu-ɔ!”

Samuel 2 11:27

Na ka ɔ́bla ukpinele ala ɔ́wɔlɔ ni, Dawid ɔ́ya na bátákpanku-nwu béboku nwuna kaduli. Na úti-nwu únwini ulekudi na ɔ́wɔ ubi ɔnanabi úte-nwu. Nsu Dawid ɔbladu ɔmɛni ƒui útayɔ Unwoti kaƒɔ.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Israelƒuɔ Bɔlɛ 16:7

Na si údu ɔtanta ni, bɛdubɔnu Unwoti bukeye bonwu, ɔsika únu bina enyekpi ani ƒui bɛkya bɛɛsu teewi-nwu. Na bi ɔsu na abu na ɔlɛka biti kɔnyi bɛkya?”

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Bumomo Bɔka 10:33

Ɔmmɔ ɔsu Israelƒuɔ báta Sinai kɔbi kedee kaƒɔna mmɔ na bésie emeyi atɛ. Na Unwoti Bunyimi Adaka ɔtɔ-ma emeyi atɛ ammɔ ƒui kalɛ na utáwia keliekɔ kadi ute-ma na banwuna.

Ala Kalɔ Buse 38:10

Na Katɔti ɔ́nu ka lɛla lɛni na Onan lɛnɔ ɔɔbla mɛni lɛdi kalala na nwuna anumi ɔsu ɔ́ya na anwu lɛnɔ úkpi.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.

Nahum 1:5

Na si ɔ́da ɔ́lɛ ni, abi ammɔ aagyú taawɔ, na abinkpo eegyingya aani kalɛ na lɛla lɛdi lɛɛyɛlɛ, na kalɔ kammɔ ku kana lɛlɔ bekyuli ƒui baatɔ́ kpakpaakpa na nwuna anumi.

Kɔnyana Buwulo 3:39

Ka bɔmu bulie ngba ɔsu ni, utalɛ ka buteeni lɛla lɛdi si báni-bu kɔtu na bula ekpidi ɔsu.

Lɛkpa Ulu 25:18

Bátina ka beeebo Katɔti bɔyia biala na bana kemmo. Anwuɔsu ka bánu báti ka lɛlɔ líitu-mii na bina ulu busie kemmo ɔsu ni, báta na békpoku-mii na bádu bani nábla kpɛtɛ kpɛtɛ.

Bumomo Bɔka 11:18

“Su bekyuli bammɔ anini, ‘Bikisi lɛlɔ na bɛbla lɛlɔ sɛɛn bite kɔnaadi limeyi lɛni na bɛdubo lɛna bɔkun. Unwoti únu uwi ɔni na bɛkya biiwulo kɔnya bɛnii, “Si bɔkɛ na bɔkɛ lɛna lɛdi bɔkun nka ɔdia, ɔsika uwi ɔni na bɔ́kya Egyipte ni, ala ádianku-bu étulo ɔmɛni!”

Bumomo Bɔka 14:2

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Bumomo Bɔka 14:22

bekyuli bani nánu mina bukeye na bánu mina akɔla búdie taatina lidu lidu lɛni lɛ́bla na Egyipte kalɔ lɛlɔ ku ketele kalɔ kakwiidi kemmo, nsu báta benye mina litemi lɛlɔ na bákɔku-mi bánu leevu sɔɔn ni,

Bumomo Bɔka 14:27

“Uwi ɛlɛ geen na bekyuli bekpidi bamɛni badubunye bataadɔ bana lɛlɔ kemmo kalɔ kalɔ na mina lɛlɔ betédu? Línu ala ani na benye baaká taadɔnku-mi.

Bumomo Bɔka 14:28

Anwuɔsu kɔ lɛsa na asu-ma anini, ‘Ami Unwoti nnii na ami ɔni nli ngba mɛni anumi ni, lɛla lɛni na línu lɛ́siku-mii kenye kemmo mɛni na ndubɔya na lɛlɛku-mii.

Bumomo Bɔka 16:11

Unwoti ɔmmɔ geen lɛlɔ na awɔ Kora ku ƒula basiakune bamɛni bɛ́ta binye. Ɔma na Aaron anwu ɔdi ɔsu na bɛɛdɔ lɛlɔ kemmo kalɔ kalɔ na nwuna lɛlɔ?”

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Kɔgya 78:63

Ogya ɔ́kyula bana bakloƒu ɔni na bana belekubi basɔ bátakɛ agya na belie.

Yesaia 10:17

Unwoti ɔni ndi Israel bukeye ɔdubunwini ogya na udie ogya unyemi na ɔkyula-ma limeyi linwi pɛ na bakywi aani liyu ku alakpigya kalɛ.

Esekiel 20:36

Na ndubo-mii kɔtu bɔni kalɛ kani na lɛ́ni bina bati kuuku kɔtu na kalɔ kakwiidi kemmo kesii kani nde Egyipte kalɔ.

Habakuk 3:5

Lɛlɛ buɛ lɛni mɔɔdú bekyuli ntɔ-nwu anumi ku kama ƒui.

Bumomo Bɔka 12:2

Na beeye banini, “Mose lɛlɔ lɛti na Unwoti ɔ́tɛmi ɔ́siaku na útatɛmi útasiaku abu lɛnɔ lɛlɔ dii?” Na Unwoti únu lɛla lɛni na básu.