Bumomo Bɔka 10:14 - Katɔti Ɔku Kedee

¹⁴ Na Yuda kaba bekyuli náka bɔta na bana esu kenye ku bana likposela na Aminadab ubidi Nahason ndi bana ɔtɔnkune.

Bumomo Bɔka 10:14 Referans Kwoze

Bumomo Bɔka 1:7

Na Yuda kaba kemmo ni, Aminadab ubidi Nahason.

Bumomo Bɔka 7:12

Na ukyuli ɔni néti nwuna akpala úboku limeyi lideedi ndi Aminadab ubidi Nahason ɔni nási Yuda kaba kemmo.

Ala Kalɔ Buse 49:8

“Yuda, ƒula banwani badubo-ɔ bumwi. Na adubo ƒula bekisine amɔ bɔda. Na ƒ'ɔti bebi badubo-ɔ lili kalɔ bɔkya.

Bumomo Bɔka 10:5

Si bénu kɔkpɛɛ bɔku klukwii kunwi kani, ni, na ɔɔtina ka adua ani náda keliekɔ na ɔƒɛ katukɔ kakɛ na ɔlɛka bata bayu ulu.

Bumomo Bɔka 10:15

Na Suar ubidi Netaneel ɔtɔnku Isakar kaba bekyuli lisu.

Ala Kalɔ Buse 35:22

Uwi ɔni na Israel ku anwu badi bakya kalɔ kammɔ kemmo ni, ubidi Ruben ku ɔti ulekudi Bilha bátɛ na ɔti úbenu lɛla lɛmɛni. Bebi leevu-inyɔ na Yakob ɔ́wɔ.

Ala Kalɔ Buse 35:23

Lea bebi bani na ɔ́wɔ úte Yakob ndi Ruben ɔni ndi Yakob ubi unengudi. Nwuna kama báwɔ Simeon ku Lewi ku Yuda ku Isakar asa na Sebulon.

Bumomo Bɔka 1:5

Na bekyuli bani anyi ndubo bɔlɔ mɛni ndubo-mii kebunku kammɔ bute. Na Ruben kaba kemmo ni, Sedeur ubidi Elisur.