Bumomo Bɔka 10:12 - Katɔti Ɔku Kedee

¹² Amu na Israelƒuɔ báta Sinai ketele kalɔ kakwiidi kemmo mmɔ báyu ulu na bávi ekpo ekpo. Na liƒlukutu lɛmmɔ lítáyu lílie Para ketele kalɔ kakwiidi kemmo.

Bumomo Bɔka 10:12 Referans Kwoze

Bumomo Bɔka 12:16

Ɔmmɔ kama bekyuli bammɔ báta Haserot na bétélie Paran ketele kalɔ kakwiidi kemmo.

Ala Kalɔ Buse 21:21

Na uwi ɔni na ɔkya ketele kani baalɔ Paran kemmo mmɔ ni, uni ɔ́wia uleku ɔ́siku Egyipte úte-nwu na úti.

Lɛkpa Ulu 1:1

Etemila amɛni na Mose ɔ́kɔ lɛsa úte Israelƒuɔ uwi ɔni na bakya kalɔ kakwiidi kani na Yordan Ketu ɔƒɛ katukɔ kakɛ na kɔwɛ kemmo. Na mmɔ ɔkya Paran ku Totel ku Laban ku Haserot ku Di-Sahab ntɛ.

Bumomo Bɔka 13:26

Amu na batalane bammɔ ƒui bénwini bébo na básala Mose ku Aaron ku Israelƒuɔ ƒui lisu na Paran ketele kalɔ kakwiidi kemmo na Kedes. Mmɔ na básu-ma ala ani bánu na béti egyiibi ani béde na kalɔ kammɔ lɛlɔ adi bátina-ma.

Bumomo Bɔka 13:3

Ɔmmɔ ɔsu Mose ɔ́di ɔda bubo bɔni na Unwoti úte-nwu mmɔ lɛlɔ, na ɔ́tala-ma uwi ɔni na bákya Paran ketele kalɔ kakwiidi kemmo mmɔ. Na bekyuli bani Mose ɔ́tala mmɔ ƒui badi Israelƒuɔ batɔnkune.

Bumomo Bɔka 9:5

Na sɔsɔ ama lɛnɔ bádi limeyi lɛmmɔ na Sinai ketele kalɔ kakwiidi kemmo na kɔbuli kudeedi limeyi leevu-linedi lɛlɔ useyi uwi. Na Israelƒuɔ bábla básiaku kalɛ kani na Unwoti úbo-ma ɔda.

Bumomo Bɔka 1:1

Na lɛkwa linyɔdi kɔbuli kunyɔdi limeyi lideedi lɛlɔ ka Israelƒuɔ bálɛ Egyipte kalɔ lɛlɔ ni, Unwoti ɔ́tɛmi úte Mose, na Unwoti Adi Kevo kemmo na Sinai ketele kalɔ kakwiidi kemmo mmɔ. Mmɔ na ɔ́su-nwu ɔnini,

Habakuk 3:3

Katɔti ɔni nse kedee, ɔ́si Teman kalɔ lɛlɔ na Paran Kɔbi lɛlɔ. Na kalɛ na nwuna bukeye bɔɔtu anumi ni, ɔ́ƒɔ kayaa ƒui. Na bekyuli beemwi-nwu na kalɔ lɛlɔ kesi kesii.

Samuel 1 25:1

Uwi ɔmmɔ ni, Samuel úbekpi, na Israel kadi bekyuli ƒui básala na béwulo-nwu báva nwuna ɔma na Rama. Amu na Dawid ɔ́ta nwuna kakyakɔ mmɔ, na ɔ́yu úduo Maon kalɔ kakwiidi kammɔ kemmo.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Lɛkpa Ulu 1:19

Na bitayiƒala kalɛ na bɔ́ta Sinai kɔbi lɛlɔ na bɔkɛ kalɔ kakwiidi bonwu kani mɔɔda liƒu kemmo na bɔkɛ ulu búsela Amoriƒuɔ kalɔ lɛlɔ aani kalɛ na Katɔti úbo-bu ɔda, na bútédu Kades-Barnea.

Bumomo Bɔka 9:1

Unwoti ɔ́tɛmiku Mose na Sinai ketele kalɔ kakwiidi kemmo na lɛkwa linyɔdi kɔbuli kudeedi kemmo ka bálɛ Egyipte kalɔ lɛlɔ. Mmɔ na ɔ́su-nwu ɔnini,

Israelƒuɔ Bɔlɛ 13:20

Na ka Israelƒuɔ bátɔlɔ Sukot ni, bátálɛlɛ na Etam ketele kudɔ.

Ala Kalɔ Buse 14:6

Horiƒuɔ na Seir abi lɛlɔ. Na ɔkɛ mmɔ útédu kalɔ kani baalɔ El-Paran na ketele kudɔ.

Bumomo Bɔka 9:17

Na uwi biala na liƒlukutu lɛmmɔ lɛ́ta ɔtɔ ɔmmɔ katɔ ni, na Israelƒuɔ lɛnɔ bata bayu ulu. Na kesi kesii na liƒlukutu lɛmmɔ lídi línye ni, na Israelƒuɔ lɛnɔ bada keliekɔ na mmɔ.

Bumomo Bɔka 10:33

Ɔmmɔ ɔsu Israelƒuɔ báta Sinai kɔbi kedee kaƒɔna mmɔ na bésie emeyi atɛ. Na Unwoti Bunyimi Adaka ɔtɔ-ma emeyi atɛ ammɔ ƒui kalɛ na utáwia keliekɔ kadi ute-ma na banwuna.

Baga 1 11:18

Na báta bási Midian na bétédu Paran. Mmɔ na báwia Paran banana bébunku lɛlɔ na bátɔlɔ bésie Egyipte na bétéduo Egyipteƒuɔ Ɔga Ƒarao kudɔ. Na ɔga ɔmmɔ úte Hadad kaduli ku kalɔ, na ɔsɔ úte-nwu adila lɛnɔ.

Bumomo Bɔka 2:34

Anwuɔsu Israelƒuɔ bábla básia lɛla biala lɛlɔ pɛpɛɛpɛ kalɛ kani na Unwoti úbo Mose ɔda ɔnii babla. Na lɛni na báda bana kuliekɔ bélieku bana likposela aƒlaga. Na lɛni kani na báta báyu ulu na bana adua ku kɔduli bekyuli kenye.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.