Bumomo Bɔka 1:51 - Katɔti Ɔku Kedee

⁵¹ Anwuɔsu kesi kesii na baayɔ́ ka beti Adi Kevo kammɔ besienku uwi ɔdi iye balɛ-ka ni, Lewi kaba bekyuli bamɛni na ɔdi ka beti-ka iye balɛ-ka lɛnɔ. Na ukyuli bamba biala makpɛ mede kevo kammɔ ni, ɔlɛka badu-nwu.

Bumomo Bɔka 1:51 Referans Kwoze

Bumomo Bɔka 3:38

Na Mose ku Aaron ku nwuna bebi ndubo ɔtɔ ɔmmɔ anumi kakɛ kesii kani nésie ɔƒɛ katukɔ kakɛ bulie. Na ama ndubo katɔma kedee kammɔ lɛlɔ butaanu na Israelƒuɔ bammɔ kenye. Na ukyuli bamba biala ɔni ndubɔni ude mmɔ ɔdi ka badu-nwu.

Bumomo Bɔka 3:10

Na aƒuna Aaron ku nwuna bebi na bataabla bakpane kabla. Na ukyuli bamba biala ɔni makpɛ mede kevo kammɔ ni, ɔlɛka badu-nwu.”

Samuel 2 6:7

Nsu Unwoti útatunaku Usa munu munu na lɛla lɛni na ɔ́bla mmɔ ɔsu. Ɔmmɔ ɔsu ɔ́ya na úkpi kɔnakunwi ɔ́tɛ adaka ɔmmɔ kɔmadɔ.

Samuel 1 6:19

Nsu ka Bet-Semesƒuɔ bébimi Unwoti Bunyimi Adaka ɔmmɔ kemmo bánu ɔsu ni, Katɔti ɔ́ya na bana nkyuli liti ku aavlanyɔ békpi. Na béwulo kɔnyana geen na ɔgbankpi ɔni na Unwoti ɔ́ya na ɔ́siaku-ma ɔsu.

Bumomo Bɔka 18:22

Na ɔ́si ɔƒɛni úsela ni, Israelni biala utani utede Unwoti Adi Kevo kammɔ kudɔ. Na si ɔdi ɔ́bla lɛni ni, ɔdubɔkɛ nwuna likpidi kɔtu bɔni ɔni ndi kukpi.

Bumomo Bɔka 16:40

aani kalɛ na Unwoti úbo Mose ɔda. Na ɔmɛni ɔ́bla bɔlɛ úte Israelƒuɔ kaduɛ ka ukyuli ɔni nátasi Aaron kaba kemmo utalɛka usie Unwoti lɛkpabi kudɔ ɔnii utákyula oloƒui ute Unwoti. Na si ɔdi ɔ́bla lɛni ni, Unwoti ɔdubɔyila-nwu udu aani kalɛ na ɔ́bla Kora ku nwuna bekyuli. Na Eleasar ɔ́bla lɛla biala ɔ́siaku pɛpɛɛpɛ aani kalɛ na Unwoti úbo Mose ɔda.

Bumomo Bɔka 10:11

Na lɛkwa linyɔdi kɔbuli kunyɔdi limeyi aavlanyɔdi lɛlɔ ka Israelƒuɔ bálɛ Egyipte kalɔ lɛlɔ ni, liƒlukutu lɛmmɔ lɛ́sɔ lɛ́ta na Unwoti Adi Kevo lɛlɔ.

Bumomo Bɔka 17:13

Na ukyuli biala mani mede Unwoti Adi Kevo kammɔ muedi ɔdubukpi. Ɔmmɔ ɔsu bula ƒui bɔdubo bukpi?”

Bumomo Bɔka 18:3

Na Lewiƒuɔ bammɔ badubɔkya-a kalɔ na ama ndubɔbla kabla biala na Kevo mmɔ, na bana akɔ ɔdi biala na útamanku utani utede ala kedee ani na Kevo kemmo mmɔ ku lɛkpabi lɛmmɔ, si ɔɔɔdi lɛni amii ku-ma ƒui bɛdubo bukpi.

Bumomo Bɔka 18:7

Nsu awɔ ku ƒula bebi bananabi kani na ɔlɛka bitaabla bakpane kabla biala na lɛkpabi lɛmmɔ lɛlɔ ku kakpakɔ bule kɔdi kɔmmɔ kama mmɔ. Na líti ɔkpane kabla kamɛni muute-mii aani etela kalɛ. Na ɔmmɔ kama ukyuli biala mani mede kakpakɔ kammɔ kudɔ ɔlɛka badu-nwu.”

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Bumomo Bɔka 18:4

Badubo na bebunku-ɔ na bitaabla kabla biala na Kevo kammɔ kemmo ku kana lɛlɔ bɔnu, na ukyuli bamba ɔdi utani utede-mii na mmɔ.