Nehemia 9:6 - Katɔti Ɔku Kedee

⁶ Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Nehemia 9:6 Referans Kwoze

Yesaia 37:16

“O Unwoti ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Ala Kalɔ Buse 1:1

Na kayawi kalɔ kesekɔ ƒui ni, Katɔti údie katɔ ku kalɔ.

Budie Taatina 4:11

“Blɔti ku bula Katɔti! Awɔ námanku éte bumwi ku ɔbu ku ɔyikun. Ɔsika awɔ nédie ala ani ƒui, na áya na ana ƒui eli ngba na ƒula lɛƒɔyɔ kenye.”

Lɛkpa Ulu 10:14

Bɛti nwaa ka ala ani ƒui nkya kayawi kemmo ni, adi bina Unwoti Katɔti adi. Na kayaa ku ala ani ƒui nkya-ka kemmo lɛnɔ adi nwuna adi.

Lɛkpa Ulu 6:4

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.

Yesaia 44:8

Lɛ́ɛsu-mii ɔ́si kukuuku nnii, bɛsɔ bitayia na bitaatɔ kpakpaakpa ku liƒu munu munu na bítenu? Ami lɛti kani ndi Katɔti na ɔdi ɔsɔ ɔɔɔdi katamikukɔ kpakplaa aani lɛtakpɛ bonwu mina kalɛ.”

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Ala Kalɔ Buse 2:1

Lɛni na Katɔti úti ɔ́wɔlɔ katɔ ku kalɔ ku ala ani ƒui nkya-nya kemmo budie.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Budie Taatina 14:7

Ɔ́su ku lɛdi bonwu ɔnini, “Bɛbu Katɔti na bɛkɔliku-nwu lɛnyi katɔ! Ɔsika nwuna uwi údu ka ɔtɛku bayawine ƒui litemi. Bimwi anwu ɔni nábla katɔ ku kalɔ ku ɛpu ku ntukpa ƒui!”

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Baga 1 8:27

“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 1:6

Uwi ɔni na Katɔti Ubi ɔni ntɔ ala ƒui úbo kayawi kamɛni lɛlɔ ni, Katɔti ɔ́su ɔnini, “Bɛya na Katɔti batu ƒui bakɔliku-nwu lɛnyi katɔ.”

Yesaia 37:20

Na ɔƒɛni ni, O Unwoti, buvele na bɔda-a bɔnii die-bu na nwuna enu kemmo, kalɛ na kayawi lɛga kɔdikɔ ƒui bekyuli banu bati ka awɔ kani ndi Unwoti ku Katɔti ɔmmɔ.”

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Baga 2 19:19

Unwoti bula Katɔti ƒɔ-bu lɛku Asiriaƒuɔ ɔga ɔmɛni enu kemmo kalɛ na kayawi lɛgakɔdikɔ bekyuli ƒui banu bati ka awɔ Unwoti kani ndi Katɔti.”

Esekiel 20:11

Lɛ́tina-ma mina ɔda bubo kalɛ na bati kalɛ na belie ngba ulu lɛlɔ siin.

Kɔgya 146:6

Anwu nédie kalɔ kammɔ ƒui ku ɛpu ku ala ani ƒui nkya-nya kemmo, na ɔɔdi nwuna litemi lɛlɔ uwi biala.

Kɔgya 103:21

Amii nwuna katɔ kabla bablane lisu bani mɔɔbla-nwu kabla, bimwi-nwu.

Kɔgya 33:6

Unwoti Katɔti údie lɛdi. Na ɔkɛnku nwuna kenye butemi lɛlɔ údie katɔ ku ɔƒɛ ku kɔbuli ku ayabi.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Yohane 10:30

Ati ku ami ƒui ni, bekyuli benwi na bɔdi.”

Ala Kalɔ Buse 32:2

Uwi ɔni na ɔ́nu-ma kani na ɔ́su ɔnini, “Mɛni ndi Unwoti Katɔti kakyakɔ.” Ɔmmɔ ɔsu na ɔ́sia mmɔ lɛnyi ɔnii Mahanaim.

Batalane Kabla 4:24

Amu na baƒɔtaadine bamɛni ƒui bása lisu na bákpali Unwoti banii, “O Ati, awɔ nédie katɔ ku kalɔ ku ɛpu ku ala ani ƒui nkya-nya kemmo.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Kɔgya 24:10

Na ɔma ndi Ɔga Unengudi ɔni muukeye mmɔ? Unwoti Katɔti Ɔyikune Ƒui ndi Ɔga Unengudi ɔmmɔ.

Kɔgya 102:25

Na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Kɔgya 115:15

Unwoti ɔni nédie katɔ ku kalɔ ute-mii kusɛ kusɛ!

Yesaia 45:12

Ami nédie kayawi na lɛ́bla ukyuli lɛ́kya-ka kemmo. Ami ɔlati néti mina enu na línene kayaa lɛ́ƒala katɔ ku ala ekeyedi ani ƒui nkya kayaa mmɔ.

Yona 1:9

Mmɔ na Yona údie kenye ɔnini, “Hebrini na ndi. Na mɔɔkpali Unwoti Katɔti ɔni nkya katɔ. Na anwu nédie kalɔ ku ɛpu.”

Ala Kalɔ Buse 1:9

Amu na Katɔti údie lɛdi ɔnini, “Ntu bɔni náƒɔ kayaa kalɔ ni, bɔsala likpo linwi. Na kesii kani nákwii kakɔ kalɛ.” Na úbo úte lɛni.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Kɔgya 124:8

“Unwoti ɔni nédie katɔ ku kalɔ ni, anwu nédie-bu.”

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.