Nehemia 9:28 - Katɔti Ɔku Kedee

²⁸ “Nsu uwi ɔni na bákɛ bɔnwuna blii ni, basɔ bábla likpidi na ƒula anumi. Amu na awɔ lɛnɔ ányonu-ma éte bana bekisine kalɛ na badi-ma lɛlɔ. Amu ka básɔ béwulo bákpali-ɔ ni, énu-ma kɔvanu na kalɔ mmɔ. Na ƒula kɔnyana bɔnu kemmo ni, eedie ukyuli ɔni ndubukpo ɔƒɔ-ma si báƒiɔ-ɔ uwi ndi uwi.

Nehemia 9:28 Referans Kwoze

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.

Baga 1 8:39

na enu bana bɔkpali na kesii kani na akya na katɔ mmɔ. Na eti bana ekpidi akyiɛ-ma na ete-ma kebunku. Ɔsika awɔ lɛti ngyi ukyuli kasusu ku kayi kemmo, na aablaku ukyuli biala kalɛ na ɔ́manku

Litemi Batɛne 4:1

Na Ehud kekpima ni, Israelƒuɔ básɔ bábla likpidi na Unwoti anumi.

Litemi Batɛne 3:30

Limeyi lɛmmɔ Israelƒuɔ bádi Moabƒuɔ lɛlɔ, na Israelƒuɔ bákɛ atubɔyɔ akwa liti ku avlaatɛ.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Kɔgya 136:24

Na údie-bu ɔ́lɛku bula bekisine enu kemmo. Ɔsika ɔɔyɔ́-bu uwi ndi uwi.

Litemi Batɛne 2:19

Nsu si litemi ɔtɛne ɔmmɔ ɔ́nya úkpi ni, na bekyuli bammɔ ƒui beenwíni teesie bana ɔbladu ukpidi ɔni ntulo bana bati ɔdi ɔni bátaabla kemmo. Na baasiaku baƒiɔ kama na baakpá-ma na baabla-ma kabla. Na beení ka bedie bana ɔbladu buɛ ku atuɔkplu atu.

Kɔgya 106:42

Bana bekisine bamɛni baanya-ma taakya uwi biala kemmo ɔni na beeebo lɛla lɛdi na babla.