Nehemia 9:20 - Katɔti Ɔku Kedee

²⁰ Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Nehemia 9:20 Referans Kwoze

Kɔgya 143:10

Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

Bumomo Bɔka 11:17

Na si bébenye mmɔ ni, ndubɔyu bubo-mii kudɔ na lɛtɛmiku-mii. Na mmɔ ni, ndubɔya na mina kɔyu kɔni nkya-a kemmo kɔdi kɔlɛ na liti ku lɛkya bana kemmo ɔdi. Na ama ndubo-ɔ kebunku buteete. Na betiku-ɔ bekyuli bammɔ etila. Kalɛ na asɔ eleti etila ammɔ awɔ lɛti.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Yesaia 48:21

Ɔ́kpanku-bu ɔ́sia kalɔ kakwiidi kemmo na ɔ́ya na ntu bɔ́bwɛ bɔ́lɛ lɛtakpɛ kemmo na bɔ́ni na bɔ́du bula utukwɛ.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Kɔgya 105:41

Ɔ́ya na atakpɛ ébimi na ntu bɔ́lɛ-nwu kemmo na báni. Na ntu bɔmmɔ bɔɔgbá aani ketu na káƒɔ kalɔ kakwiidi kammɔ kemmo.

Yosua 5:12

Na ɔ́si uwi ɔmmɔ kama ni, adila ani naasí katɔ na baalɔ-nya banii manna áda bɔna aya. Na Israelƒuɔ básɔ bátadi ɔdi kudii. Na edula ani kani nkya Kanaan kalɔ lɛlɔ kani na baadi.

Israelƒuɔ Bɔlɛ 17:6

Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi.

Israelƒuɔ Bɔlɛ 16:15

Ka Israelƒuɔ bánu lɛla lɛmmɔ ni, balati lɛla lɛni lɛdi. Amu na bakya beeye lɛlɔ banii, “Bi na ɔdi mɛni?” Amu na Mose ɔ́su-ma ɔnini, “Ɔmɛni ndi adila ani na Unwoti úte-mii ka bɛdi.

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Romaƒuɔ 15:30

Banwa, muuvele-mii kpakplaa na Blɔti Yesu Kristo lɛnyi kemmo ku Katɔti Kɔyu bɔyɔ kemmo nnii bibunku-mi na bukpo kekpo kani kenye na nnye na bina Katɔti bɔkpali teete-mi kemmo.

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Israelƒuɔ Bɔlɛ 16:35

Na Israelƒuɔ bádi manna ɔmɛni akwa aavlene sɔɔn úti útédu ka bédu Kanaan kalɔ ɔmii lɛlɔ.

Korintoƒuɔ 1 10:3

Bana ƒui bádi Kɔyu kemmo adila enwi pɛ ammɔ.

Hagai 2:5

aani kalɛ na líse bina bati kuuku kenye uwi ɔni na lɛ́kpanku-ma lɛ́lɛku Egyipte kalɔ lɛlɔ. Bitekpoku lɛlɔ. Nkya-mii akɔ mɛni!

Israelƒuɔ Bɔlɛ 16:4

Amu na Unwoti ɔ́su Mose ɔnini, “Ndubɔya na adila ataana taasi katɔ teete-mii aani ɔnantu. Na limeyi ndi limeyi ni, ya na bekyuli bammɔ balɛ na batála kalɛ kani medu-ma bɔdi limeyi kenye. Na ɔmɛni ndubuti bɔkɔku-ma bɔnu si badubo mina ɔda bubo lɛlɔ bɔdi.

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”