Nehemia 9:13 - Katɔti Ɔku Kedee

¹³ “Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Nehemia 9:13 Referans Kwoze

Kɔgya 119:160

Ƒula ɔda bubo bɔdi litemi geen lɛni nse siin na bunye bute uwi ƒui.

Israelƒuɔ Bɔlɛ 20:1

Amu na Unwoti ɔ́ka ɔda bubo etemila leevu amɛni ɔ́su ɔnini,

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Romaƒuɔ 7:16

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.

Habakuk 3:3

Katɔti ɔni nse kedee, ɔ́si Teman kalɔ lɛlɔ na Paran Kɔbi lɛlɔ. Na kalɛ na nwuna bukeye bɔɔtu anumi ni, ɔ́ƒɔ kayaa ƒui. Na bekyuli beemwi-nwu na kalɔ lɛlɔ kesi kesii.

Yesaia 64:3

Ɔsika uwi ɔni na ábla liƒu ala ani na bɔɔɔsia anu muedi ni, bɔyu na áyu ébo na abi ammɔ ƒui ákunku na ƒula anumi.

Yesaia 64:1

O Unwoti, bɔɔyɔ́ ka aya na kayaa kabwɛ kemmo na ayu ebo kalɔ. Na abi ƒui ataakunku na ƒula anumi!

Kɔgya 119:137

Unwoti, awɔ nse siin na aatɛ litemi ulu lɛlɔ.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Lɛkpa Ulu 5:4

Na kɔbi kɔmmɔ lɛlɔ ni, amii alati binu ka Katɔti ɔ́tɛmiku-mii ɔ́siku lɛgyavonku lɛni mɔɔda kemmo.

Lɛkpa Ulu 4:33

Kadi bamba bekyuli badi bétenu dii ka Katɔti ɔtɛmi ɔsiku ogya kemmo na belie ngba aani kalɛ na amii bínu na bilie ngba.

Lɛkpa Ulu 4:8

Na kadi bamba bekyuli ina bebo lɛnyi muedi ni, bana ɔda bubo bulédu ɔda bubo siin bɔni na lɛ́tina-mii ɔmwi kadi mɛni.

Israelƒuɔ Bɔlɛ 20:22

Amu na Unwoti ɔ́su Mose ɔnini, “Su Israelƒuɔ anini, ‘Amii alati bínu kalɛ na ami Unwoti lɛ́tɛmiku-mii lɛ́siku katɔ,

Israelƒuɔ Bɔlɛ 16:23

Amu na ɔ́su-ma ɔnini, “Lɛni na Unwoti úbo ɔda ɔnini, ‘Kɔnaadi ɔdi Lɛnwunameyi kedee ute ami Unwoti. Anwuɔsu biƒi lɛla biala na bɛɛyɔ́ ka biƒi, na biƒulo lɛla biala na bɛɛyɔ́ ka biƒulo. Na bɛklibi lɛla biala nébu bise bite kadi kegye.’ ”

Lɛkpa Ulu 4:36

Na ɔ́ya na bínu nwuna lɛdi bɛ́siku katɔ kalɛ na ɔda-mii kpakplaa na ulu ɔni lɛlɔ na ɔdi ka bɛsia lɛlɔ. Na kalɔ kamɛni lɛlɔ lɛnɔ ni, ɔ́ya na bɛ́nu nwuna ogya ɔni mɔɔda bonwu na ɔ́tɛmi ɔ́siku ogya ɔmmɔ kemmo úte-mii.

Kɔgya 119:4

Unwoti, awɔ néti ƒula ɔda bubo éte-bu na ásu-bu ka bɔdi-mu lɛlɔ kaduɛ.

Baga 2 17:37

Bɛsia anu kaduɛ na bɛda bunyimi ku ɔda bubo bɔni na únweni úte-mii lɛlɔ. Na bitakpa baƒiɔ badi.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.