Nehemia 7:1 - Katɔti Ɔku Kedee

¹ Amu na básɔku awodu ammɔ ku ana kɔyakun ƒui bátu. Na bákya kɔyakun kɔmmɔ ƒui lɛpunu ku kɔbwɛlɛmii kɔni beeti taakalɛ. Na bédie bekyuli bani ndubutaagyumana kɔyakun kɔmmɔ ku lɛnu batune ku Lewiƒuɔ.

Nehemia 7:1 Referans Kwoze

Nehemia 6:15

Na bátu awodu ammɔ báwɔlɔ na kɔbuli limeyi aavlanyɔ-ɛlɔ lɛlɔ. Na emeyi liti ku inyɔ na béti bátu-nya.

Nehemia 6:1

Na uwi ɔni na Sanbalat ku Tobia ku Arabini ɔni baalɔ Gesem ku bula bekisine bakladi bénu ka lɛ́sɔku awodu ammɔ lɛ́tu ɔni na ńtada kuƒi kɔdi ńtakya ina ka uwi ɔmmɔ ńtakya tɔ kɔyakun kɔmmɔ lɛpunu ni,

Ala Alɛdi 2 31:2

Hesekia úle bakpane ku Lewiƒuɔ bammɔ ɔ́kya kasala esu esu kemmo ɔkɛnku bana kabla kenye. Na úti akpala bɔkyula ku unwi bɔbla akpala kabla ɔ́kya-ma enu kemmo. Na úte babambadi ka beteete kebunku na bataabla bekyuli kabla na kakpakɔ mmɔ. Na badi lɛnɔ beteedie bumwi lɛnu na kakpakɔ lɛban kenye.

Nehemia 12:24

Na Lewiƒuɔ batɔnkune ndi Haabia ku Serebia ku Kasmiel ubidi Yusua ku bana banwani bani muunye-ma anumi na beedie linugya lɛnu atɔ asia aani kalɛ na Katɔti ukyuli Dawid ɔ́tina.

Nehemia 11:3

Na Yuda lɛma libendi ku libliidi lɛkladi kemmo ni, Israelƒuɔ bakpane ku Lewiƒuɔ ku kakpakɔ kabla bablane ku Salomo kabla bablane kaba bétéduo kɔduli kɔni na ama alati bátu na bana lɛma.

Nehemia 10:39

Israelƒuɔ ku Lewiƒuɔ ndubo buteeti edula ebi ku ntɛ ku nnɔmii bɔni na bekyuli bammɔ béyi teesienku kakpakɔ kammɔ ala kesekɔ na kesii kani na kakpakɔ kammɔ akyami eesé. Mmɔ ndi kesii kani na kakpakɔ kammɔ bakpane ku bagyumanane ku lɛnu batune bani mɔɔbla kabla uwi ɔmmɔ belie. Na buléni bula Katɔti Kaduli bulése.

Esra 3:8

Na kɔbuli kunyɔdi na lɛkwa linyɔdi kemmo ni, uwi ɔni na béduo Unwoti kaduli na Yerusalem kama ni, Sealtiel ubidi Serubabel ku Yosadak ubidi Yesua ku bana banwani bakladi ku bakpane ku Lewiƒuɔ ku bani kekpo kéƒie-ma na bénwini bébo Yerusalem bése kalɔ ku kabla. Na Lewiƒuɔ bani ƒui nákɛ akwa aavlanyɔ ku kama béti-ma bábla kabla kammɔ lɛlɔ banune.

Baga 2 7:10

Ɔmmɔ ɔsu bátɔlɔ Siriaƒuɔ kakyakɔ mmɔ na bénwini bésie Samaria. Na bápkali kayakun bagyumanane na básu-ma banini, “Búsie Siriaƒuɔ kakyakɔ na ka bútéduo ni, bútanu ukyuli biala. Na bútenu ukyuli biala lɛnɔ kɔku. Na bapɔnkɔ ku bebuo ala betine bani bákya kɔbuli bényene lɛnɔ bátaƒɛnimi-ma. Na kakyakɔ kammɔ kese aani kalɛ kani kese.”

Nehemia 6:19

Na lɛnɔ ni, bekyuli bése anumi baasu-mi kabla kabuni kani na Tobia ɔ́ɔbla, na báasu mina lɛlɔ etemila ku ala ani lɛ́su lɛnɔ taatina-nwu. Na Tobia anwu ni, únweni lɛku ka nka ubakya-mi liƒu.