Nehemia 5:12 - Katɔti Ɔku Kedee

¹² Amu benengu bammɔ básu banini, “Bɔdubɔsɔku bana ala ƒui bute-ma. Bɔsɔ baláƒɔ lɛla biala bulásiku ɔdi biala kudɔ. Na lɛla biala ásu-bu ni, bɔdubɔdi-ni lɛlɔ.” Amu na ami Nehemia lɛ́lɔ mina bakpane ƒui ku mina bakutine ƒui, na lɛ́ya na bákpali Katɔti bése kenye kalɛ na badi bana linyese lɛlɔ.

Nehemia 5:12 Referans Kwoze

Esra 10:5

Ɔmmɔ ɔsu Esra ɔ́ta na ɔ́ya na bakpane ku Lewiƒuɔ benengu ku Israelƒuɔ bakladi bése kenye ka badubɔbla lɛla lɛni na Sekania ɔ́su mmɔ.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Nehemia 13:25

Mmɔ na lɛ́dɔnku-ma na líwida-ma, na líbo bananabi bammɔ badi na lɛ́ni-ma linwini. Na lɛ́ya na bése kenye na Unwoti lɛnyi kemmo banii, “Bɔsɔ buleti bula bebi belekubi bulete kadi bamba banana na beti-ma. Na bula bananabi lɛnɔ ni, beleti kadi bamba belekubi. Na abu lɛnɔ buleti ɔdi lɛnɔ.

Nehemia 10:31

Na si bula ala beyene beti bana ala iye edula ebi bebeye bete-bu lɛnwuna limeyi iye limeyi kedee lɛdi lɛlɔ ni, buléye bulásiku-ma kudɔ. Na lɛkwa maatɛdi biala lɛlɔ ni, bulatuma kalɔ kammɔ lɛlɔ kalɛ na kakɛ bɔnwuna. Na kayu biala na báda-bu na uwi ɔmmɔ kemmo ni, bɔdubuti bɔkyiɛ.

Nehemia 10:29

buse kenye bɔɔsála ku bula batɔnkune ka ewida asiaku-bu si bɔ́ta búnye ɔda bubo bɔmɛni lɛlɔ. Na bɔɔsu ka bɔdubɔdi Katɔti ɔda bubo bɔni na úti ɔ́siaku nwuna kabla ɔblane Mose lɛlɔ. Na lɛla biala na Unwoti ɔni ndi bula Katɔti úbo-bu ɔda ni, bɔdubɔdi-nwu lɛlɔ kalɛ na Katɔti ɔɔwia.

Esra 10:12

Amu na bekyuli bammɔ ƒui bédie kenye ku kudu básu banini, “Lɛla lɛni na ásu lɛdi ulu! Na ɔdi ka bɔbla bɔsiaku lɛni.

Nehemia 5:11

“Anwuɔsu egulabi o-o iye edula ebi o-o iye nnɔmii o-o iye adingyii ntɛ bɔwɔdi ni, bɛsɔku kuvonsia kɔni na bíkulo bídie bite-ma. Na bɛsɔku ɔdi biala nwuna kalɔ iye adingyii mmo iye nnɔmii mmo iye kɔduli bite balati. Ɔmɛni ndi kenye kani mɔɔsu-mii ka bɛbla!”

Nehemia 10:30

Na buláya na bula bebi beetí iye belieku baƒɔ bani nkya-bu akɔ.