Nehemia 4:14 - Katɔti Ɔku Kedee

¹⁴ Amu na ami Nehemia lɛ́ta na ńtánu banamu bakɔdi ku benengu ku bekyuli bammɔ ƒui na lɛ́su-ma nnini, “Bitayia-ma. Bɛkali ka Katɔti ɔni nwuna lɛlɔ lɛɛda liƒu mmomu na ɔlɛka bɔyia. Na binye kpakplaa, na bikpo bite bina banwani ku bina beleku ku bina kɔduli.”

Nehemia 4:14 Referans Kwoze

Samuel 2 10:12

Anwuɔsu binye momoomo na bise kayi na bukpo bula bekisine na bula kadi bekyuli Israelƒuɔ ɔsu. Na bukpo na bɔƒɔ bula lɛma lɛni na Unwoti úte-bu ka bulie-ni kemmo buse. Unwoti ɔbla lɛla lɛni na anwu ɔlati ɔ́nu ka lɛdia.”

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Hebriƒuɔ 13:6

Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Kɔgya 66:3

Bɛsu Katɔti bɛnini, “Ƒula ablala adi akɔla budie taatina. Na ƒula ɔyikun bonwu ɔni na ebo ɔsu ni, ƒula bekisine béboku lɛlɔ kalɔ béte-ɔ ku bɔyia.

Kɔgya 65:5

O Katɔti, bula ɔƒɔne, eenú-bu bɔkpali na eebunku-bu ɔkɛnku ƒula akɔla budie taatina lɛlɔ. Kayawi bekyuli ƒui anu asia-a lɛlɔ ku bani na beli ɛpu ɔvi.

Kɔgya 20:7

Na kekpokɔ ni, badi béti bana anu básia bapɔnkɔ ku bapɔnkɔ kɛɛkɛ ɔyikun lɛlɔ. Nsu abu búti bula anu bɔ́sia Unwoti Katɔti lɛlɔ.

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Ala Alɛdi 2 32:7

“Bise kayi na bɛƒɔ lɛlɔ bɛdi! Naaanu lɛla lɛni ɔsu na ɔlɛka bɛyia Ɔga Sanaherib ku nwuna bekpone kpakplaa bammɔ. Abu bubo ɔyikun butulo-nwu ƒui.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Kɔgya 143:5

Lɛ́kali lɛ́nu uwi ɔni návi na líduo lɛlɔ kemmo lísie ɔgyu na lɛ́nu akɔla ala budie taatina ani na ƒula enu ábla.

Kɔgya 66:5

Bibo na bibanu akɔla budie taatina ani na Katɔti ɔ́bla na bekyuli akɔ.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Hiob 37:22

Na Katɔti bukeye bɔni muudie lɛlɔ taasiku kalɔ kammɔ katɔ kakɛ na buuwi lɛla biala lɛlɔ ni, buukeye teetulo ɔƒɛ bukeye ƒui.

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Israelƒuɔ Bɔlɛ 14:14

Unwoti ɔdubo bukpo bute-mii, amii ɔdi kani ndi ka binye kpoo bitaanu.”

Israelƒuɔ Bɔlɛ 14:25

Na ɔ́ya na bana bapɔnkɔ kɛɛkɛ lɛmmɔ lɛgba lɛ́ƒɛ na lɛsɔ liládia bɔni. Amu na Egyipteƒuɔ básu lɛlɔ banii, “Unwoti ɔkya uukpóku-bu teete Israelƒuɔ, anwuɔsu bɛya na bɔda-ma bɔnyonu na bɔtɔlɔ-ma kudɔ.”

Litemi Batɛne 3:27

Ɔni na údu Eƒraim abi kalɔ lɛma lɛmmɔ kemmo ni, ɔ́vwi nwuna kakpɛɛ, na Israelƒuɔ bammɔ bálɛ bábasiaku-nwu. Na ɔ́tɔnku-ma na báyu bási abi ammɔ lɛlɔ.

Daniel 11:32

Ɔga ɔmmɔ ɔdubuti kenyemini ku katɔlɔ ɔkpanku bekyuli bani naaasiaku Katɔti kama siin ute lɛlɔ. Nsu bani ngyi Katɔti geen ni, badubɔta benye-nwu lɛlɔ kpakplaa.

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.