Nehemia 3:5 - Katɔti Ɔku Kedee

⁵ Na ɔni nsɔ nsia ni, Tekoa bakloƒu nátu. Nsu bana ɔma banana batɔnkune béni kabla kani bana lɛlɔ banune béte-ma ka babla.

Nehemia 3:5 Referans Kwoze

Nehemia 3:27

Na ɔni nsɔ nsia ni, bakloƒu bani bási Tekoa lɛnɔ bátu ɔdi. Na bése kalɔ básiku katutaasia ɔtɔ bonwu ɔmmɔ lɛlɔ bétédu Oƒel lɛwoduku lɛlɔ.

Samuel 2 14:2

Ɔmmɔ ɔsu ɔ́tala ukyuli ɔdi na Tekoa ɔma kemmo ka batálɔ uleku ɔnundane ɔdi na ɔkya mmɔ béboku-nwu. Ka uleku ɔmmɔ úbo ni, Yoab ɔ́su-nwu ɔnini, “Bla lɛlɔ aani ukyuli ɔni na kukpi kɔ́du na uuwulo kɔnyana. Na ada kukpi ala na tawɛɛ nnɔmii ƒɛƒɛɛ iye ugyulo ɔbuni ɔdi. Na abla lɛlɔ aani uleku ɔni kukpi kɔ́du-nwu na ɔkya kɔnyana kemmo uwi gyɔlɔɔ mɛni.

Korintoƒuɔ 1 1:26

Banwa, asa na Katɔti waƒuna-mii ni, binyimo kalɛ na bíse na bekyuli anumi! Bina pii biiibo lɛnunda ku ɔyikun. Iye bítasi kaba kani náƒɔ kuye kadi kemmo.

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Amos 1:1

Unwoti ɔ́su Amos kenye kadi uwi ɔni na útaanu baƒonu lɛlɔ na Tekoa. Na kenye kammɔ kadanku Israel na uwi ɔni na Usia ɔɔdi lɛga na Yuda kalɔ lɛlɔ, na Yeroboam Yoas ubidi ɔɔdi lɛga na Israel kalɔ lɛlɔ akwa anyɔ kama asa na kalɔ kadubɔkunku.

Yeremia 27:12

Kama ɔni na lɛ́tɛmiku benengu bani nási amadɔ mmɔ lɛ́wɔlɔ ni, lɛ́tɔlɔ lísie Ɔga Sedekaia kudɔ na ńtásɔku lɛla lɛmmɔ kani lɛ́su-nwu anwu lɛnɔ nnini, “Sedekaia, si awɔ ku Yudaƒuɔ ƒui bɛɛwia ka bilie ngba ni, binu Ɔga Nebukadnesar ku Babilonƒuɔ litemi.

Yeremia 27:8

“Limɔ abalala amɛni enye ete Ɔga Nebukadnesar ɔyikun ɔni na ɔdubo bɔkɛ. Na ndubɔyila kalɔ kani bekyuli naaadubo-nwu litemi bunu. Ɔga Nebukadnesar ɔdubo-ma bukpo na ɔdu bekyuli pii iye kɔka ku ɔlɛ ɔdu-ma.

Litemi Batɛne 5:23

Na Unwoti ɔtu ɔdi úbo na ɔ́su ɔnini, ‘Biwida Meros, na bɛsɔ biwida bekyuli bani nli mmɔ. Ɔsika bétebo bétebebunku Unwoti na bekpo. Nka bɔlɛ na balɛ bebo bebebunku-nwu na bekpo otogyi ɔmmɔ.’

Nehemia 3:4

Na ɔƒɛnyi ɔni nsɔ nsia ni, Hakkos ubidi Uria ubidi Meremot nátu. Na ɔni nsɔ nsia ni, Mesesabel ubidi Berekia ubidi Mesulam nátu. Na ɔni nsɔ nsia ni, Baana ubidi Sadok nátu.

Nehemia 3:6

Na kayakun kani baalɔ Yehana ni, Pasea ubidi Yoiada ku Besodeia ubidi nátu lɛla biala pɛpɛɛpɛ.

Ala Alɛdi 2 11:6

Betlehem ku Etam ku Tekoa,

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.