Nahum 1:5 - Katɔti Ɔku Kedee

⁵ Na si ɔ́da ɔ́lɛ ni, abi ammɔ aagyú taawɔ, na abinkpo eegyingya aani kalɛ na lɛla lɛdi lɛɛyɛlɛ, na kalɔ kammɔ ku kana lɛlɔ bekyuli ƒui baatɔ́ kpakpaakpa na nwuna anumi.

Nahum 1:5 Referans Kwoze

Mika 1:4

Abi ƒui adubo bɔyɛɛlɛ aani kalɛ na kɔma kɔɔyɛɛlɛ na ogya kudɔ. Na lɛbonka libendi lɛyii lɛkya aani kalɛ na ntu bɔɔgbá taayu ɔkwalɛ ɔdi taatɔlɔ.

Yeremia 4:24

Abi ammɔ aakunku na eesié taasɔ.

Samuel 2 22:8

“Kalɔ kemodi kaagyú taawɔ na kaatɔ́ kpakpaakpa. Na abi ƒui ákunku, ɔsika Unwoti úti kɔnyi.

Habakuk 3:10

Uwi ɔni na áda álɛ ni, abi ammɔ aatɔ́ kpakpaakpa, na ɔnantu ɔɔna taasi liƒlukutu kemmo, na ɛpu uubó avlɔvɔ taakɔ taayu na ɔɔkwanyi ku kɔku bonwu.

Kɔgya 68:8

Uwi ɔmmɔ kemmo ni, kalɔ kákunku na kayaa kálɛmi na ɔnantu ɔ́na, ɔsika Sinai kɔbi Katɔti ɔdubo. Na anwu ndi Israel Katɔti.

Litemi Batɛne 5:5

“Abi ákunku na Unwoti anumi, anwu ɔni ndi Sinai Unwoti, Israel Katɔti.

Kɔgya 114:6

Na amii abi nɔɔ, bi ɔsu na bina ɔbladu use aani kalɛ na bese baaƒulu? Na amii abinkpo bise aani kalɛ na baƒonubi baaƒulu.

Kɔgya 114:4

Liƒu lɛ́ƒɔ abi ammɔ ƒui lɛlɔ na aata taawɔ aani kalɛ na bese baaƒulu na abinkpo lɛnɔ aaƒulu aani baƒonubi.

Kɔgya 98:7

Bidie lɛdi bite, ɛpu ku ala ani ƒui nkya-nwu kemmo na bebo kudu momoomo. Na kayawi ku kana ala ediedi ƒui bɛkɛ lɛlɔyɔ ku kɔvanu.

Kɔgya 46:6

Liƒu lɛɛda kadi bekyuli ƒui. Na baga ku bana lɛga kɔdikɔ kɔɔbwɛ. Katɔti údie lɛdi na kayawi ƒui kaakunku.

Israelƒuɔ Bɔlɛ 19:18

Na sɔsɔ ni, uyɔ úyi Sinai kɔbi kɔmmɔ lɛlɔ ƒui. Ɔsika Unwoti ɔ́yu úbo kɔbi kɔmmɔ lɛlɔ ku ogya. Na uyɔ ɔmmɔ ɔɔkɔ́ katɔ aani si lɛgyavonku bonwu lɛdi na bákya ogya bálɛ, na kɔbi kɔmmɔ kɔɔkunku na lɛlɔ lɛɛtɔ́-ma kpakpaakpa na bɔyia ɔsu.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Mateo 28:2

Kɔnakunwi ni, kalɔ kákunku momoomo geen. Na Katɔti ɔtu ɔdi ɔ́yu ɔ́si katɔ úbo na úbeminime lɛtakpɛ lɛmmɔ, na úlie-ni lɛlɔ.

Mateo 27:51

Kɔnakunwi na Katɔti kakpakɔ na ɔma kemmo ni, kakpakɔ bule kɔdi kɔmmɔ kɔ́bwɛ kemmo inyɔ ɔ́si katɔ úbedu kalɔ. Na kalɔ kammɔ ƒui kákunku, na atakpɛ ábwɛ.

Budie Taatina 6:14

Kayaa káyii aani kalɛ na baaƒɛ ebuo ɔku. Na bágyu abi ku ntuntɛ kalɔ ƒui na ana kenyekɔ.

Kɔgya 18:7

Kalɔ kemodi kaagyú taawɔ na kaatɔ́ kpakpaakpa. Na abi ƒui ákunku, ɔsika Unwoti úti kɔnyi.

Yesaia 5:25

Ɔmmɔ ɔsu na Unwoti uuti kɔnyi kpakplaa taakya nwuna bekyuli. Na ɔ́talaku kɔnu katɔ ka ɔƒiɛmi-ma ɔva kalɔ. Abi ƒui ákunku, na bani nékpi ƒui ɔlɔna uwi lilu lɛlɔ aani alakpi. Nsu ɔmmɔ ƒui útayɔ tɔ Unwoti kaƒɔ. Ɔsika ɔ́mu ɔ́tala kɔnu unye.

Yesaia 24:1

Bɛnu, Katɔti ɔdubo kalɔ kammɔ ƒui bubile na kana anumi kasɔ kaladia lɛla lɛla. Na ɔdubɔbɔku bekyuli bammɔ ƒui ɔkya kalɔ kammɔ ekpo ekpo.

Yesaia 24:20

Kayawi kemodi kammɔ ƒui kágbanta késela aani ntɛ ukpine. Na use aani kabwa kani na ɔƒɛƒɛɛ ɔdanku ɔɔvínku, na nwuna atuɔkplu ku litemi lɛlɔ tadi únwini etila asia-nwu lɛlɔ, na ánya-nwu ámana na ɔsɔ ɔɔɔdubo bɔkana bɔta.

Yoel 2:10

Na kalɔ ƒui kaagyú taawɔ na kayaa kaakunku. Na ɔƒɛ ku kɔbuli ƒui kɔ́bla suu na ayabi lɛnɔ áda bukeye áya.

Sakaria 4:7

“Na kɔbi kɔni na aanu na ƒula anumi mmɔ ni, badubo-ku bɔbwɛ búwi kalɔ kpɛtɛ kpɛtɛ. Na edie kakpakɔ lɛtabi lɛni náƒɔ kuye geen litulo ƒui mmɔ alɛku, na bɛdububo kudu momoomo bɛnini, ‘Unwoti ɔ́bla-bu lɛƒɔndia, na lɛtabi lɛmmɔ lɛdia geen!’ ”

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Hiob 9:5

“Nwuna kɔnyi kulákada teese asa na ɔɔgyú abi enengudi ana kenyekɔ na ɔyila-nya udu.

Hiob 26:11

Na si údie lɛdi ni, kayaa ala ƒui aakunku.

Kɔgya 18:8

Uyɔ ɔ́lɛ-nwu enwu kemmo, na ogya lɛnɔ ɔ́lɛ-nwu kenye kemmo ɔ́kyula ala. Na ogya agyabi ani náƒɔ ogya geen sɔsɔ aasí taabayu.

Kɔgya 104:32

Unwoti úti nwuna anumi ɔ́nu kayawi na kaakunku. Na úti kɔnu útuku abi lɛnɔ, na aalɛ́ uyɔ.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Esekiel 38:20

Na lɛlɔ lɛdubo ngba lɛla biala nkya kalɔ kammɔ lɛlɔ bɔtɔ ku bɔyia geen na ami ɔsu, kɔbɛ ku baasɛ ku alakpi akɔ bebuo ku bebuo bani mɔɔkpɛ́ kaƒɔ kalɔ ku bekyuli bayawine ƒui. Abi adubo butaabwɛ teegyingya na atakpɛ ataamami na lɛma linengudi ala ataaƒɛ teewi kalɔ.

Amos 9:5

Unwoti Katɔti Ɔyikune Ƒui ndi anwu ɔni na si útuku kalɔ kammɔ ni, kaayɛɛlɛ, na bekyuli bani na beli-ka kemmo ƒui beewulo kɔnyana. Na kalɔ kammɔ kaata taawɔ aani kalɛ na Nil Ketu keeƒuƒuo taakɔ taayu.