Nahum 1:13 - Katɔti Ɔku Kedee

¹³ Ndubɔƒɛ bina kɔgba kɔni nda-mii na lɛya bɛkɛ bɔnwuna bɛsiku Asiriaƒuɔ kudɔ.”

Nahum 1:13 Referans Kwoze

Yesaia 10:27

Limeyi lɛmmɔ lɛlɔ na Unwoti ɔdubɔya na kalɛ na nwuna kadi bekyuli bakya bekyuli bamba kalɔ baabla-ma kabla ɔdubɔwɔ. Na ɔƒɛ bana lɛlɔ bɔdi kɔgba kɔni nda-mii amɔ ku amangba udie-mii lɛlɔ.

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yesaia 14:25

Ndubo Asiriaƒuɔ udu bɔyila na mina kalɔ, na lɛkɔ-ma lɛbwɛ kpɛtɛ kpɛtɛ na mina kɔbi lɛlɔ, ama bani nákɔ belie mina bekyuli lɛlɔ, na lidie bana lɛbibo kɔgba kɔni nda Israelƒuɔ, na bana etila atimi mina bekyuli lɛlɔ.”

Kɔgya 107:14

Ɔ́ya na bálɛ kasuudikɔ bonwu kani kemmo na bakya mmɔ. Na bana kɔgba kɔ́ƒɛ kpɛtɛ kpɛtɛ.

Yeremia 5:5

Ndubusie ntátɛmiku batɔnkune bammɔ, ɔsika ama bagyi lɛla lɛni na Unwoti ɔɔwia ka babla, nsu ama muedi béni na bálɛ ugyii ka belénu Unwoti litemi.

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.