Nahum 1:12 - Katɔti Ɔku Kedee

¹² Ɔmɛni ndi lɛla lɛni na Unwoti ɔɔsu ɔnii, “Ina dɛ na Asiriaƒuɔ bemomo na bábla unwi na bebo ɔyikun ni, badubo udu bɔyii! Na awɔ Yuda ina ka lɛ́ya na ébo abi dii muedi ni, nsɔ lɛɛɛdubo bɔya na ɔmmɔ udu ɔsɔ ɔlɛku-ɔ.

Nahum 1:12 Referans Kwoze

Yoel 2:19

Unwoti údie kenye na ɔ́su nwuna bekyuli ɔnini, “Bɛnu, líti edula ku ntɛ ku nnɔ muumene-mii na ala ammɔ emo-mii. Na nsɔ lɛɛɛdubo bɔya na kadi bamba bekyuli beteedumi-mii taama.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.

Nahum 1:15

“Amii Yudaƒuɔ, bɛɛnu ka ɔtalane ɔdi ɔ́si abi lɛlɔ ɔdubo ku keyi buɛɛ linyesia lɛbuni. Bɛdi bina emeyi abuni ku lɛlɔyɔ na bɛbla bɛsiaku kenye kani na bíse Unwoti lɛlɔ. Ɔsika lɛ́yila bina bekisine ƒui udu, na nsɔ lɛɛɛdubo bɔya na basɔ bebekpo-mii.”

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 31:8

“Na badubɔyila Asiriaƒuɔ ƒui udu na kewii kenye, ɔni na ɔɔɔdi ukyuli ndubo-ma bɔdu. Na bana bakloƒu badubɔwia ulu ka bekeli nsu badubuƒie-ma ƒui, na bani néƒie-ma mmɔ benye-ma lɛlɔ na bataabla-ma kabla.

Yesaia 30:19

O amii Sion kadi bekyuli bani nli Yerusalem ɔma, útalɛ ka bɛsɔ bilie biteewulo. Unwoti ubo lɛƒɔndia geen na si bɛ́va bɛ́kpali-nwu ɔdubunu na nanu-mii kɔnyana.

Yesaia 17:14

Bekisine bákya-bu liƒu ku bɔyia geen useyi uwi, nsu kadi bugye ni, bana ƒui báyii bákya. Bekyuli bani muukpóku-bu lɛyuƒɔla lɛdi mmɔ.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yesaia 7:20

Na Unwoti ɔdubɔya na Asiria ɔga ku anwu badi bekpeyi-mii eli ku bina lɛlɔ linwini ku bina likwi lɛnɔ na bakya-mii kɔƒa.

Baga 2 19:37

Limeyi lɛdi ni, ka Asiriaƒuɔ ɔga ɔkya ɔɔkpá nwuna baƒiɔ Nisrok na nwuna kakpakɔ ni, ɔga ɔmmɔ bebi inyɔ bani ndi Adramelek ku Sareser béti bana kuwii na bétébeyi-nwu bádu, na békeli bésie Ararat kalɔ lɛlɔ. Na ubidi bamba ɔni baalɔ bani Esarhadon úti-nwu keliekɔ aani ɔga kalɛ.

Baga 2 19:35

Na usien ɔmmɔ ni, Unwoti ɔtu ɔdi úsie Asiriaƒuɔ bekpone kakyakɔ, na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kégye ni, bánu ka bekpine bewi mmɔ bamana.

Israelƒuɔ Bɔlɛ 12:12

“Ɔsika usien ɔmmɔ ami Unwoti ndubo bɔvi Egyipte kalɔ ƒui lɛlɔ na lɛdu ubi udeedi biala na bekyuli ku bebuo ƒui báwɔ. Na ndubɔni Egyipteƒuɔ baƒiɔ ƒui kɔtu. Ami Unwoti mɔɔsu.

Yesaia 10:16

Anwuɔsu Unwoti Ɔyikune Ƒui, ɔdubɔya na ɔlɛ kpakplaa ubo Asiria ɔga ku nwuna bekpone bani mɔɔtina lɛlɔ lɛlɔ, na bana ɔlɔna kemmo keteenu ɔlɛ aani ogya mɔɔkyula-ma.