Mika 7:10 - Katɔti Ɔku Kedee

¹⁰ Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Mika 7:10 Referans Kwoze

Sakaria 10:5

Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

Kɔgya 42:10

Edumi ani udu na beedumi-mi etulo si kewii na bada baatu-mi ɔƒɛnyi bétédu ku ekubi kemmo. Na beeye-mi limeyi ndi limeyi banini, “Wɛ na ƒula Unwoti Katɔti ɔmmɔ ɔkya geen?”

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Kɔgya 35:26

Mmomu ya na kɔƒa kukpo bani ƒui mɔɔkun lɛmɛnɛ na mina lɛlɔ na mina ɔgbankpi ɔsu. Na aya beƒu na bana ablala kemmo. Na kɔƒa kunwini awu na bakya na bana anumi ewi kalɔ.

Kɔgya 18:42

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Mika 4:11

“Sion, ƒula ekpidi ɔsu na kadi bekyuli pii báka bámana-a na banini, ‘Ɔmɛni anwu buletu uwi bɛya na bɔnu ka bana anumi éwi kalɔ.’

Yeremia 51:51

“Kɔƒa kuukpó-mii na bɛɛnu bɛnii bina anumi éwi kalɔ ka baƒɔ béduo mina kakpakɔ kedee ɔsu.

Kɔgya 79:10

Bi ɔsu na kadi bamba bekyuli beeye-bu banini, “Wɛ na bina Katɔti ɔkya?” Buuvele-ɔ bɔnii die-ma kasi na kalɛ na béwi ƒula kadi bekyuli ubugya kalɔ kalala kemmo kenye na abu ku bekyuli ƒui bɔnu.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Malakai 1:5

Na si uwi ɔni na ánu ɔmɛni ni, adubo bɔva na asu anini, ‘Unwoti ɔ́ƒɔ lɛnyi ɔ́kɔ úbo ɔ́vi Israel lɛmii ƒui.’

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Yeremia 51:24

“Nsu ɔƒaani ni, mina bekyuli badubunye banu uwi ɔni na muudie-mii kasi na kalɛ na bɛ́bla Sion kenye.

Kɔgya 115:2

Bi ɔsu na ɔlɛka kadi bamba bekyuli beye-bu banii, “Wɛ na bina Katɔti ɔkya?”

Kɔgya 109:29

Ya na kɔƒa kukpo mina bekisine, na kɔƒa kɔmmɔ kɔbla aani kɔdi kɔni na benyimi.

Kɔgya 58:10

Na lɛlɔ lɛdubɔyɔ bekyuli bani nse siin si bánu kalɛ na baaní belikplune bamɛni kɔtu. Na bana ubugya ɔni nwi kalɔ ɔɔgbá ni, bekyuli babuni badubɔkya lɛgba bavi-nwu kemmo.

Kɔgya 42:3

Keku kani nénwini aani adila úte-mi usien ku ɔƒɛ. Na mina bekisine benye beeye-mi uwi ndi uwi banini, “Wɛ na nwuna Katɔti ɔmmɔ ɔkya?”

Esekiel 7:18

Na kɔnyana adala na bɛdubo butaada biti bɛtina kalɛ na bɛkya lɛƒɛda kemmo. Nsu liƒu ala sɔɔn ndubɔƒɔ-mii keliela kemmo. Na kɔƒa ala lɛnɔ sɔɔn bekyuli badubo butaanu taati na bina anumi lɛlɔ na bɛdubukpeyi bina kuduo linwini ƒui ka bɛ́yila lɛnunsia biala ɔsu.

Yesaia 41:25

“Líitiku ukyuli ɔni ndubo ubadi-ɔ lɛlɔ lɛ́siku katɔ kakɛ na ɔdubɔsia ɔƒɛ katukɔ uteebo kalɛ na ubeti ɔbu ute mina lɛnyi. Na ɔɔkɔ́ taavi lɛlɔ badine lɛlɔ aani kalɛ na baawɔ́ lɛvɔti na kaawɛ kemmo.

Obadia 1:12

Bi ɔsu na lɛlɔ lɛɛyɔ́-mii si ɔgbankpi ɔmɛni udu ɔ́lɛku bina lɛlɔ bekyuli? Na bi ɔsu na ebiti aada-mii lɛni si Yudani biala uubó abi amɛni udu?

Mika 7:8

Mina bekisine, bitakun tɔ lɛmɛnɛ na mina lɛlɔ. Use ka líbuli bɔdi, nsu nsɔ ndubo bɔta. Ina ka ɔƒɛ ɔ́sa ɔ́kya-mi ni, Unwoti ndi mina bukeye.

Yosua 7:9

Kanaanƒuɔ ku bekyuli ƒui badubo bunu ala ani mɔɔlɛ́ mɛni. Na badubo bɔsala na bebo-bu ƒui badu kede kede. Na si ɔmɛni udu ɔlɛ ni, dɛ na adubɔblaku ƒula lɛnyi lɛni lɛƒɔ kuye mɛni?”

Kɔgya 92:12

Bekyuli bani nse siin beebimi aani kubo na baalɛ́ lili aani Lebanon kalɔ egyii enengudi.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yeremia 49:15

“Ndubo-mii bɔbla na bɛsɔ na kadi ƒui akɔ na balabu-mii balakya lɛla lɛdi akɔ.

Seƒania 3:15

Sion, ƒula lɛtuni lɛ́sa. Unwoti ɔ́bɔku ƒula bekisine na básɔ bénwini na ƒula kama. Bina Unwoti ɔni ndi Israel Ɔga unye-mii kudɔ, anwuɔsu ɔ́sɔ útalɛka bɛyia ɔgbankpi ɔdi lɛnɔ.