Mika 7:1 - Katɔti Ɔku Kedee

¹ Litemi lɛmɛni bunu ɔ́ya na lɛ́bla ƒaaƒaa aani ukyuli ɔni na kɔka kútulo-nwu na ɔɔwia egyiibi ani na ɔdi, nsu béde-nya bédie egyii ammɔ ƒui lɛlɔ kede kede, na ina unwi ɔsɔ ɔɔɔsia, na egyii ammɔ ese ukpludi ku ani na muuyile bɔnwu mmɔ muedi.

Mika 7:1 Referans Kwoze

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Yesaia 28:4

Na nwuna bɔdia bɔni muukeye nsu uuubo bɔyɛyɛ na ɔkwalɛ ɔni nélie lɛmwi mmɔ ni, útavumana ku kɔnwingyie ebi ani mɔɔka bugyie. Na si ukyuli ɔdi ɔ́nu-nya na ɔɔkpɔɔlɔ-nya ɔdi udie kɔnakunwi.

Yesaia 24:13

Lɛni udu ndubɔƒɔ kayawi kemodi ku kadi ƒui bekyuli akɔ aani kalɛ na edula udewi ɔɔví na baƒiɛmi adingyii ammɔ ligyii kalɛ na ebi ani nábɛ akya kɔgba akɔ lɛnɔ anu ewi kalɔ na bala.

Yesaia 17:6

Nsu bana ɛlɛɛ badi badubo bubu aani kalɛ na beeti ugyii ku asɔsɔ teede kɔdingyii ebi ƒui na kebu ɛlɛɛ na kayɔlɔ kɔgba akɔ. Lɛni na Unwoti Israel Katɔti ɔ́su.”

Yeremia 45:3

“Enye eewulo kɔnyana na aadú ami Unwoti kɔtɔ na ƒula lɛbibo ku kɔnyana kɔni kemmo na akya ɔsu, ku kalɛ na lɛlɔ lítu-ɔ na alakɛ bɔnwuna bɔdi.

Yeremia 15:10

Si bɔwɔ na bátawɔ-mii muedi nka mɔɔyɔ́ ɔmmɔ teetulo ƒui! Lɛsɛ lɛkya ami ku ukyuli biala ntɛ na Yuda na nkya lɛbibo kemmo uwi ndi uwi. Neeevo sika ukyuli ɔdi kudɔ iye ami livo sika lite ukyuli ɔdi. Nsu ewida enwi pɛ kani, na ukyuli biala uuwida-mi.

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yesaia 24:16

Binu bumwi lɛnu lɛni nda ɔ́siku kayawi kawɔlɔkɔ ekpo ekpo ƒui, úte Unwoti ɔni muukeye na use siin. Nsu bɔbuɛ muute lɛlɔ, ɔsika lɛlɔ kemmo kaanwá-mi ku kɔnyana, na bani na bátaƒɔ bátadi bana taƒɔ tadi ku ulikplu ala bɔbla ɔsu.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Kɔgya 120:5

Bɔbuɛ na ɔdi ka bete-mi ka líbo nli-mi akɔ na Mesek na buuduo Kedar nvo kemmo taalɛ.

Yeremia 24:2

Na kagyigyɛ kenwi kemmo ni, egyiibi ani négyie kaduɛ na adia bɔdi néyi-ka kemmo. Na kanyɔdi aka ni, egyiibi ebudi ani naaadi bɔdi sɔɔn néyi-ka kemmo.

Bumomo Bɔka 18:13

Na kalɔ kammɔ ƒui edula edeedi ani béti béboku Unwoti adubɔbla bina ɔdi. Na ukyuli biala nlie-ɔ kaduli na use sɛɛn ɔkana ɔdi adila ammɔ adi.

Agba 20:6

Bakpana pii baasu ka badi bakpana buni bani naaalɛ bana bakpana kama, nsu ɛlɛɛ na badubɔnu na bana akɔ ka baadi bana litemi lɛlɔ sɔsɔ.

Yeremia 5:1

Unwoti ɔ́su-mi ɔnini, “Sie na atáwia Yerusalem ƒui na anu si bekyuli badi bakya na baasu litemi geen na baawia ka basiaku-mi kama siin. Na si ákana na ákɛ ukyuli ina unwi ni, ndubuti kɔtu bɔni bɔmmɔ lɛkyiɛ ɔma umodi ɔmmɔ.