Mika 6:2 - Katɔti Ɔku Kedee

² Israel, ndubudie bina bɔƒiɔ keyi lɛtina na abi ku kayawi kammɔ ɔ́si kalɔ kesekɔ ƒui na bidie lɛla lɛmmɔ kenye.

Mika 6:2 Referans Kwoze

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Kɔgya 104:5

Awɔ nákya kalɔ kamɛni ƒui awodu ɔka kalɔ ɔni na lɛla biala likana-ka bɔkunku.

Samuel 2 22:16

Ɔ́bɔku ɛpu na ɔƒɛƒɛɛ ɔni mɔɔlɛ́-nwu enwu ɔ́ya na ɛpu ɔmmɔ kalɔ kátina nwaa na kalɔ kemmo atabi ɔka údie lɛlɔ.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Yeremia 31:37

“Ɔdi ɔdubɔka kayaa bɔkɔku bɔnu? Na kalɔ nɔɔ ɔdi ɔdubɔkana ka ɔkɔku-ka bɔgyu ɔnu? Lɛni na ubo-mi ɔkplu ka lɛda Israel bekyuli lɛnyonu uwi ƒui ina ka bábla likpidi. Ami Unwoti násu.”

Yeremia 25:31

Na bekyuli ƒui badubunu-mi lɛdi na kalɔ kammɔ lɛlɔ kesi kesii ka mɔɔdu-ma kɔtɔ na bana likyulikpi ala bɔbla ɔsu. Na ndubɔdu badi kukpi kɔtɔ muedi ka badu-ma.”

Yeremia 2:9

“Anwuɔsu nsɔ ndubo-mii kɔtɔ bɔdu. Lɛni na ami Unwoti mɔɔsu. Na ndubɔdu bina bawɔ bawɔ lɛnɔ kɔtɔ.

Yesaia 43:26

Bibo bibasiaku-mi na litemi katɛkɔ na bidie lɛlɔ kenye ka amii ɔdi ɔ́tɛ na bítaƒiɔ.

Yesaia 5:3

“Na ɔƒɛni ni, amii Yerusalem ku Yudaƒuɔ, bɛtɛ ami ku mina kemo ntɛ litemi lɛmɛni na bɔnu.

Agba 8:29

Na mɔɔnu asa na ɔ́sia kalɔ ubili aani ɔmii úte ɛpu ɔmmɔ ƒui kalɛ na uleyi ulavia mmɔ. Na kalɛ na úse kalɔ kammɔ ɔka kalɔ ni, nnye mɔɔnu.

Samuel 2 22:8

“Kalɔ kemodi kaagyú taawɔ na kaatɔ́ kpakpaakpa. Na abi ƒui ákunku, ɔsika Unwoti úti kɔnyi.

Lɛkpa Ulu 4:26

Anwuɔsu mɔɔsu-mii na katɔ ku kalɔ anumi ɔmwi limeyi lɛmɛni ka si bítadi litemi lɛni na lɛ́su-mii mɛni lɛlɔ ni, uwi uletu asa na Katɔti ɔdubɔyila-mii udu na kalɔ kani na bísela bitéti binwini bina kadikɔ mɛni lɛlɔ si bɛ́via Yordan Ketu.

Yesaia 3:13

Katɔti úusie ulie kalɔ na litemi katɛkɔ, na ɔdubo bekyuli ƒui litemi bɔtɛku.

Mika 6:1

Unwoti ɔ́su nwuna bekyuli ɔnini, “Bɛlɛ bibo na bɛda bina etemila bɛva na bunu na abinkpo ku abi enengudi ƒui anumi.

Hosea 12:3

Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.