Mika 3:4 - Katɔti Ɔku Kedee

⁴ Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Mika 3:4 Referans Kwoze

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Mateo 7:22

Na Katɔti litemi bɔtɛ limeyi ni, bekyuli pii badubɔsu-mi banii, ‘Blɔti! Bɔ́su ƒula kenye na bɔ́gya ayu ekpidi na ƒula lɛnyi kemmo. Na bɔ́bla akɔla budie taatina lidu lidu lɛnɔ na ƒula lɛnyi kemmo.’

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Yohane 9:31

Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Samuel 1 8:18

Ɔƒɛni limeyi lɛdubo lɛni na bɛdubo buwulo bɔkpali-mi bɛnii nƒɔ-mii nlɛku ɔga ɔni na amii alati bɛ́ƒuna bíte lɛlɔ mmɔ enu kemmo. Nsu lɛɛɛdubo-mii bɔkpete limeyi lɛmmɔ.”

Hiob 27:9

Na ɔɔɔdubo-ma bɔkpete ina beekpi-nwu kɔtɔ banii ɔnu-ma kɔnyana.

Hiob 35:13

Kekeeke na beenye taakpali Katɔti, ɔsika ɔɔɔdubo-ma bɔkpete ku bana kenyekplu etemila ammɔ.

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Mika 3:7

Amii kenye bediene ku like bebone ƒui ni, kɔƒa kɔdubo-mii bukpo na bɛsɔ bɛɛɛdubo kenye kadi bunu bɔsiku-mi kudɔ.”

Mika 7:13

Na ɔkɛnku ala ani na bábla-mii ɔsu ni, kɔlɔ kɔmɛni bekyuli badubo abi bubo na ɔgbankpi lidu lidu kemmo.