Mika 3:1 - Katɔti Ɔku Kedee

¹ Binu amii Israelƒuɔ batɔnkune! Ɔlɛka bɛti likpidi ku lɛbuni kavumana.

Mika 3:1 Referans Kwoze

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Yesaia 1:10

Amii bani nse aani Sodom batɔnkune, bise atu na binu Unwoti lɛla lɛni na ɔɔsu, binu bula Katɔti ɔda bubo, amii bani nse aani Gomora kadi bekyuli!

Korintoƒuɔ 1 6:5

Mɔɔsu-mii ɔmɛni na kɔƒa kukpo-mii. Ukyuli unwi pɛ ɔdi anwu ɔkya bina akɔ ɔni ndubɔkana na ɔklibi etemila amɛni na baƒɔtaadine ntɛ.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Lɛkpa Ulu 16:18

Bidie litemi batɛne ku bakutine na ɔma biala kemmo. Na bekyuli bamɛni banu ka baatɛ bekyuli etemila na ulu lɛlɔ.

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Esekiel 34:2

“Esekiel, ɔyawine ubi, Israel batɔnkune bese aani baƒonu badane bani mɔɔnu mina baƒonu bani ndi Israel kadi bekyuli lɛlɔ. Nsu mɔɔwia ka lɛdu bɔtɔnkune bamɛni kɔtɔ na lɛsu-ma nnini, ‘Ami Unwoti Katɔti mɔɔsu amii Israel baƒonu badane nnii bɛdubo udu bɔyii na amii ɔdi ɔsa! Bɛɛnu amii alati lɛlɔ na bíni mina baƒonu lɛlɔ bɔnu.

Mika 2:13

Ndubo kayakun kammɔ bubo bɔbwɛ na lɛkpanku-ma lɛlɛku na linwini-ma ɔga.”

Nehemia 13:17

Amu na lɛ́dɔnku Yudaƒuɔ benengu bammɔ. Na lɛ́su-ma nnii, “Bi likyulikpi ala benye baabla mɛni? Na bɛɛyá na lɛnwunameyi lɛmɛni lɛɛlɛ́ ɔbu?

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Esekiel 22:6

“ ‘Bina batɔnkune béti bana kenyekɔ ɔyikun ɔni na bebo baadú bekyuli.

Esekiel 34:3

Bɛɛní bana anyi ntu na biiti bana linwini teedi adi teete lɛlɔ. Na bɛɛdú babuni bani nélie lɛmwi taakun, nsu bíni na bilanu baƒonu lisu lɛmmɔ lɛlɔ!

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!