Mika 2:7 - Katɔti Ɔku Kedee

⁷ Bɛɛbu bɛnii ɔmɛni ɔɔdia bunu si beeye banini, “Unwoti uuti kɔnyi na ɔbla ala amɛni udu, na uléwi lɛlɔ na ɔkɛ kayi?” Iye Unwoti uléte bekyuli bani mɔɔbla ala ulu lɛlɔ kusɛ kusɛ uwi ndi uwi?

Mika 2:7 Referans Kwoze

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Kɔgya 15:2

Ukyuli ɔni mɔɔdi Katɔti etemila ƒui lɛlɔ na nwuna ablala lɛnɔ ese siin ni, anwu kani ndubɔkɛ kuƒi kɔmmɔ. Nwuna etemila adi sɔsɔ na ɔkɔ ɔdi uuubo-nya kemmo.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Agba 28:18

Bekyuli babuni ni, Unwoti ɔdubudie-ma, na lɛla lɛdi lilabla-ma. Nsu bani na bana kasiakɔ kese gontii ni, Unwoti ɔdubɔyila-ma udu.

Agba 10:29

Unwoti ɔɔgyumana bekyuli bani nse siin, na ɔɔyila balalane udu.

Agba 10:9

Na bekyuli bani mɔɔdi litemi lɛlɔ ulu lɛlɔ ni, balánya teegyiile. Nsu bani kasiakɔ nse gontii ni, badubo bugyiile bubuli.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Korintoƒuɔ 2 6:12

Ɔɔɔdi abu nétedie enu! Mmomu amii námana amangba bɛ́kya-bu.

Romaƒuɔ 7:13

Anwuɔsu bɔtina na ɔmɛni ɔda ɔnii lɛla lɛni ndia néboku-mi kukpi? Kudii! Mmomu kalɛ na bɔnu likpidi bɔbla bɔti ka bɔdi likpidi ɔsu ni, likpidi bɔbla bɔkɛnku lɛla lɛni ndia lɛlɔ na búti kukpi búboku-mi. Na ɔkɛnku ɔda bubo bɔmɛni lɛlɔ ɔsu ni, likpidi bɔbla buudie muna udu geen keyi.

Yohane 8:39

Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Mateo 3:8

Bɛtina na bina ɔbladu kemmo ka bínwini kama bɛ́kya bina alaekpidi.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Yeremia 2:4

“Yakob ɔtɔ bebi, bise atu na binu, amii Israel adua bekyuli ƒui.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Agba 14:2

Bekyuli bani mɔɔsia ulu ɔbuni lɛlɔ ni, baayia Unwoti. Na bani mɔɔsia ulu ukpidi lɛlɔ beení Unwoti.

Agba 2:7

Bekyuli bani nse siin ni, uusé-ma kama ka badi lɛlɔ. Na ɔdi lɛgyumanala ute bekyuli bani na lɛla lɛdi lɛɛɛda-ma na bana kasiakɔ.

Kɔgya 119:65

O Unwoti, ádi ƒula litemi lɛlɔ na ábla ami ƒula kabla ɔblane lɛƒɔndia.

Bumomo Bɔka 11:23

Amu na Unwoti údie Mose kenye ɔnini, “Si lídie kɔnu nnii mɔɔbla lɛla lɛdi ni, bɔsɔ na mina ɔyikun ɔ́sɔ? Adubo bɔnu si lɛla lɛni na lɛ́su lɛdubo-nwu kemmo lɛni iye lilebo.”

Kɔgya 119:68

Awɔ ndi Unwoti buni na aabla lɛƒɔndia uwi biala. Tina-mi ƒula ɔda bubo.

Kɔgya 18:26

Na bani mɔɔsia bana ablala anu ni, awɔ lɛnɔ aasia ala anu teete-ma. Na bani na balásia bana ablala anu ni, aaní-ma kɔtu na bana ablala kenye.