Mika 1:3 - Katɔti Ɔku Kedee

³ Na ɔdubo bɔsi bubo bubanya bɔvi abi ku abinkpo ammɔ ƒui eli.

Mika 1:3 Referans Kwoze

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Lɛkpa Ulu 32:13

Na úbunku-ma na békpo baƒɔ kɔlɔ. Na bana edula ani báva na bana mmo ádia na bádi. Na bana nnɔ egyii adia na atakpɛ lɛlɔ. Na uwɔ úlie na atakpɛ akɔ.

Habakuk 3:19

Unwoti Ɔyikune Ƒui mɔɔyá na mɔɔkɛ́ ɔyikun. Na mina lɛgba lɛɛyu ɔkplu, na lɛɛta aani kaƒɛ lɛdi, na mɔɔkɛ́ kenyekɔ ƒaa na abi lɛlɔ.

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Esekiel 3:12

Amu na Kɔyu kɔmmɔ kúti-mi uwi ɔni kani na Unwoti bukeye bɔmmɔ búse kalɔ bɔɔyii taakya-mi anumi na línu lɛdi bonwu lɛdi na mina kama ku budu momoomo.

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Hiob 40:12

Sia bana ƒui anumi, na ayila balalane bammɔ ƒui udu.

Lɛkpa Ulu 33:29

Israelƒuɔ, bɛya na lɛlɔ lɛyɔ-mii. Ɔsika bekyuli badi beeebo aani bina kalɛ. Bɛdi bekyuli bani na Unwoti náƒɔ-mii ngba. Na Unwoti ɔlati ndi bina ekpola. Na biti-nya bikpo bɛdi lɛlɔ. Na bina bekisine badububo bebevele-mii ka bɛnu-ma kɔnyana. Nsu bitenu kalɔ, na bibo-ma bɛdu ƒui.”

Sakaria 14:4

Ɔdubusie utáwia kenyekɔ na Nnɔ Egyii Kɔbi lili na Yerusalem ɔƒɛ katukɔ kakɛ. Na kɔbi kɔmmɔ kɔdubɔbwɛ kemmo kule akpa anyɔ usie ɔvi ɔni ku ɔni, na ɔdubɔbla kɔwɛ bonwu ɔsi ɔƒɛ katukɔ úsie ɔƒɛ kanukɔ.

Amos 9:5

Unwoti Katɔti Ɔyikune Ƒui ndi anwu ɔni na si útuku kalɔ kammɔ ni, kaayɛɛlɛ, na bekyuli bani na beli-ka kemmo ƒui beewulo kɔnyana. Na kalɔ kammɔ kaata taawɔ aani kalɛ na Nil Ketu keeƒuƒuo taakɔ taayu.