Mika 1:13 - Katɔti Ɔku Kedee

¹³ Amii Lakisƒuɔ, bɛbala bapɔnkɔ bammɔ ku kekpo kɛɛkɛ lɛmmɔ. Amii násiku kalala ala amɛni na Israel bíboku bíbatina Yerusalemƒuɔ.

Mika 1:13 Referans Kwoze

Baga 2 18:17

Ɔmmɔ kama ni, Asiriaƒuɔ ɔga úti bekpone batɔnkune lidu ɛtɛ ɔ́siku nwuna bekpone akɔ na bátɔnku bekpone pii badi básiku Lakis na bésie Ɔga Hesekia kudɔ na Yerusalem. Na ka bétéduo Yerusalem ni, béduo ɔkwalɛ ulu ɔni na ntu bɔɔsí teetéwi ligyu lɛni nnye katɔ kakɛ kemmo.

Ala Alɛdi 2 32:9

Amu na uwi ɔni na Ɔga Sanaherib ku nwuna bekpone bébo bábada keliekɔ na bakya Lakis ɔma ni, ɔ́kya Ɔga Hesekia ku Yerusalemƒuɔ ɔtu ɔdi ɔnini,

Yosua 10:3

Ɔ́si ɔmmɔ ɔsu ni, Yerusalemƒuɔ Ɔga Adoni-Sedek ɔmɛni ɔ́tala bekyuli ka beteesie batasu Hebron ɔga ɔni baalɔ banii Hoham ku Yarmut ɔga ɔni baalɔ Piram ku Lakis ɔga ɔni baalɔ Yaƒia ku Eglon ɔga ɔni baalɔ Debir banii

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Mika 1:5

Yakob kaba kemmo bebi bábla ekpidi pii ɔ́si kalɛ na Samariaƒuɔ bátɔnku-ma ɔsu. Lɛni kani na Yerusalemƒuɔ aƒiodu akpabi ani na bátu áya na Yuda ɔ́bla likpidi.

Esekiel 23:11

“Oholiba ɔ́nu ala amɛni ƒui, nsu ɔƒɛni mmomu na nwuna ekpidi bɔbla bɔ́kɔ katɔ búbu na banana kudɔ bɔtɛ bɔɔda-nwu ɔkwɛ teetulo ɔnwani Ohola ɔdi ɔni na ɔ́bla muedi ƒui.

Yeremia 4:29

Bekisine bekpone bani muulie bapɔnkɔ ku bani muubó atula beedie bana kekpo lɛnu na bekyuli beekeli taatábɛ na egyii ku atakpɛ kalɔ na báda lɛma béwi ukpludi.

Yesaia 37:8

Uwi ɔni na Asiriaƒuɔ unengu ɔmmɔ únu ka bana ɔga ɔ́tɔlɔ Lakis na úsie ɔ́kya Libna amadɔ uukpó ni, úsie mmɔ na útánu-nwu.

Yesaia 10:31

Madmena ɔma bekyuli bakɛ usi baawia kabɛkɔ. Na Gebim kadi bekyuli bábɛ beeduo ala kalɔ.

Ala Alɛdi 2 11:9

Adoraim ku Lakis ku Aseka ku

Baga 2 8:18

Ahab ubidi ulekubi na úti. Na ɔ́siaku Israel baga ɔbladu kama aani kalɛ na Ahab kaduli bekyuli bábla. Na ɔ́bla likpidi na Unwoti anumi.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Baga 1 14:16

Na ɔdubudie Israel atu na likpidi lɛni na Yerobeam ɔ́bla na ɔ́ya na Israelƒuɔ lɛnɔ bábla ɔsu.”

Yosua 15:39

ku Lakis ku Boskat ku Eglon

Israelƒuɔ Bɔlɛ 32:21

Amu na Mose úye Aaron ɔnini, “Bi na bekyuli bamɛni bábla-a ɔsu na áya na bábla likpidi bonwu lɛmɛni udu?”

Ala Kalɔ Buse 19:17

Ka bálɛ ɔma ɔmmɔ kemmo kani na batu bammɔ kemmo unwi ɔ́su-ma ɔnini, “Ɔdi biala ukeli momoomo na udie lɛlɔ na ɔgbankpi ɔni ndubo bɔlɛ kemmo. Na ɔdi utenwini utanu kama. Na ɔdi lɛnɔ utasu ɔnii uudí unye na kalɔ ntɛ mmɔ kesii kadi. Bikeli siin biteesie abi lɛlɔ. Si ɔɔɔdi lɛni bɛdubo bɔkywi!”

Baga 1 4:28

Na lɛni kani na beeboku bapɔnkɔ bani mɔɔní kɛɛkɛ mmɔ alakpi ku bapɔnkɔ bamba ku alakpi ani lɛlɔ na batɛ kalɛ na ɔdi ka ɔdi biala ute.

Baga 2 14:19

Uwi ɔdi úbebo na Yerusalem ka bekyuli badi baawia Ɔga Amasia badu. Anwuɔsu úkeli útábɛ ɔma ɔni baalɔ banii Lakis kemmo. Nsu nwuna bekisine bammɔ báwia-nwu kama ulu na bátádu-nwu na mmɔ.

Yesaia 36:2

Ɔmmɔ kama ni, Asiria ɔga ɔ́tala nwuna bekpone unengu ɔ́kya Ɔga Hesekia na Yerusalem, na ɔdanku bekpone pii badi na bási Lakis ɔma kemmo. Ɔnii utásu Hesekia na ute lili ka ɔ́di-nwu lɛlɔ. Amu ka bakɛ ulu ni, batásia ulu ɔdi na ude adi bablane badi kabla kablakɔ na bébedu kesii kani na békulo ketu kadi ntu kasiakɔ na kási katɔ kakɛ bábla lɛba bonwu lɛdi na ude kemo kadi.

Hiob 39:10

Adubunye-nwu lɛlɔ na abala-nwu kɔgba anii ugulu kalɔ iye ugyingya lɛti uwi kesii kadi ute-ɔ?

Yeremia 34:7

Na uwi ɔmɛni kemmo ƒui ni, na Babilon ɔga unye momoomo ɔɔwia kuƒi kɔni na ɔbwɛ Lakis ku Aseka ku Yerusalem lɛma awodu na uduo-ma lɛlɔ. Na lɛma ɛtɛ lɛmɛni kani ndi Yudaƒuɔ lɛma lɛni nébu na útabwɛ tɔ.