Mateo 9:6 - Katɔti Ɔku Kedee

⁶ Ndubudie lɛtina-mii ka Ukyuli Ɔyawine Ubi ubo ɔyikun na uti ekpidi ɔkyiɛ na kayawi mɛni.” Anwuɔsu ɔ́su ukyuli ɔni náƒɛ uwi kalɔ mmɔ ɔnini, “Ta nye, na eti ƒula atɛla na eteesie kaduli.”

Mateo 9:6 Referans Kwoze

Mateo 9:5

Na ɔmani bɔsu nse kpɛtɛ kpɛtɛ ntulo ka lɛsu nnii, ‘Líti ƒula ekpidi lɛ́kyiɛ-ɔ’ munuu ka lɛsu nnii, ‘Ta, na esie’?

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Korintoƒuɔ 2 2:10

Si bíti ukyuli ɔmmɔ bɔƒiɔ bɛ́kyiɛ-nwu ni, ami lɛnɔ líti lɛ́kyiɛ-nwu. Na si bɔƒiɔ bɔdi bɔkya bɔni na ɔlɛka liti lɛkyiɛ-nwu ni, líti lɛ́kyiɛ-nwu na Kristo anumi kalɛ na bɛbla unwi.

Koloseƒuɔ 3:13

Na biteebunku lɛlɔ. Na si ɔdi ɔ́ƒiɔ ɔdi ni, uti ɔkyiɛ-nwu aani kalɛ na Blɔti úti ɔ́kyiɛ-mii.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Batalane Kabla 9:34

Na ka Petro ɔ́nu-nwu ni, ɔ́su-nwu ɔnini, “Enea, nu! Yesu Kristo ɔ́bwi-ɔ! Ta nye! Na abuma ƒula atɛla.” Na mmɔ kani na ɔ́ta únye ku ɔlɔkplu.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 10:28

Mɔɔyá na beelie ngba bɔni nsɔ naaadubo bɔsa kudii, na balayii ku udu. Na ukyuli biala ulakana-ma buƒie bɔƒɔ na mina kɔnu kemmo.

Luka 5:21

Amu na Ƒarisiƒuɔ ku ɔda bubo ala batinane bákya anumi ku lɛlɔ buye banii, “Ɔma na ɔdi mɛni na úti lɛlɔ ɔɔkɔ́ku Katɔti lɛni! Katɔti lɛti pɛ kani ndubɔkana na uti ukyuli ekpidi ɔkyiɛ-nwu!”

Marko 2:10

Anwuɔsu kalɛ na bɛƒɔ bɛdi ka ami ɔni ndi Ukyuli Ɔyawine Ubi mbo kuƒi ka liti ekpidi lɛkyiɛ bekyuli na kayawi kamɛni kemmo ɔsu ni, bɛnu!”

Marko 2:7

“Bi ɔsu na ɔɔtɛmi lɛni? Katɔti lɛti mɔɔkana ekpidi buti taakyiɛ!”

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 9:2

Mmɔ na béti ɔnana ɔdi na ɔ́ƒɛ uwi kalɔ báva lɛtala lɛlɔ, na béti-nwu béboku-nwu kudɔ. Ka Yesu ɔ́nu ka báƒɔ bádi geen ɔsu ni, ɔ́su ɔlɛne ɔmmɔ ɔnini, “Ubi, kɛ kayi. Líti ƒula ekpidi lɛ́kyiɛ-ɔ.”

Mateo 9:7

Amu na ɔnana ɔmmɔ ɔ́ta na úti nwuna lɛtɛla na ɔ́tɔlɔ úsie kaduli.

Yohane 5:8

Amu na Yesu ɔ́su-nwu ɔnini, “Ta nye! Ti ƒula lɛtala na eteesie.”

Yohane 5:27

Na úte-mi ɔyikun ɔni na lɛtɛku kayawi ƒui litemi, ɔsika ami ndi Ukyuli Ɔyawine Ubi.