Mateo 9:22 - Katɔti Ɔku Kedee

²² Yesu únwini na ɔ́nu uleku ɔmmɔ na ɔ́su-nwu ɔnini, “Kɛ kayi, mina ubi ulekubi! Ƒula bɔƒɔtaadi bɔ́bwi-ɔ.” Mmɔ kani ɔlɛ ɔmmɔ ɔ́ba-nwu.

Mateo 9:22 Referans Kwoze

Luka 7:50

Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Mateo 15:28

Mmɔ na Yesu údie kenye ɔ́su-nwu ɔnini, “Adi uleku ɔni náƒɔ ɔ́di geen! Ákɛ lɛla lɛni na aawia.” Anwuɔsu uwi ɔmmɔ kemmo kani ni, ubidi ulekubi ɔmmɔ ɔlɛ ɔ́ba-nwu.

Mateo 9:2

Mmɔ na béti ɔnana ɔdi na ɔ́ƒɛ uwi kalɔ báva lɛtala lɛlɔ, na béti-nwu béboku-nwu kudɔ. Ka Yesu ɔ́nu ka báƒɔ bádi geen ɔsu ni, ɔ́su ɔlɛne ɔmmɔ ɔnini, “Ubi, kɛ kayi. Líti ƒula ekpidi lɛ́kyiɛ-ɔ.”

Luka 18:42

Mmɔ na Yesu ɔ́su-nwu ɔnini, “Amu sɔ taanu! Ƒula bɔƒɔtaadi bɔ́bwi-ɔ.”

Luka 17:19

Amu na Yesu ɔ́su-nwu ɔnini, “Ta nye, na eteesie. Ƒula bɔƒɔtaadi náya na ƒula ɔlɛ ɔ́ba-a.”

Luka 8:48

Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”

Marko 10:52

Amu na Yesu ɔ́su-nwu ɔnini, “Teesie. Ƒula bɔƒɔtaadi bɔ́bwi-ɔ.” Na kɔnakunwi ni, nwuna anumi ébimi na úse kalɔ ɔɔnu. Amu na ɔ́siaku Yesu, na bana ƒui bátɔlɔ bésie bana ulu.

Marko 5:34

Yesu ɔ́su-nwu ɔnini, “Mina ubi ulekubi, ƒula bɔƒɔtaadi bɔ́bwi-ɔ. Teesie ku keyi buɛɛ. Na ƒula lɛbibo lɛmmɔ lɛsɔ lilebo-ɔ lɛlɔ.”

Mateo 9:29

Amu na Yesu útuku bana anumi na ɔ́su-ma ɔnini, “Ubo ute-mii kalɛ kani na bɛ́ƒɔ bɛ́di.”

Batalane Kabla 16:18

Amu na lɛla lɛmɛni lísie anumi emeyi pii. Na ka Paulo ɔ́nɔ bɔnu ni, únwini na ɔ́su kɔyu kɔni nsiaku ugblebi ɔmɛni ɔnini, “Mɔɔbɔku-ɔ na Yesu Kristo lɛnyi kemmo nnii vi lɛ-nwu lɛlɔ!” Na kɔnakunwi ni, kɔyu kukpidi kɔmɛni kɔ́vi kɔ́lɛ-nwu lɛlɔ kemmo!

Yohane 4:53

Amu na ɔ́nu ɔ́ti ka uwi ɔmmɔ lɛlɔ geen na Yesu ɔ́su-nwu ɔnini, “Ƒ'ubidi uli ngba.” Na unengu ɔmɛni ku nwuna kaduli bekyuli ƒui báƒɔ Yesu bádi.

Hebriƒuɔ 4:2

Ɔsika básu abu lɛnɔ litemi buni lɛmmɔ aani kalɛ kani na básu ama lɛnɔ. Nsu litemi lɛni bénu kátalɛ kɔsia kɔdi kétete-ma. Ɔsika ama bani nénu kenye kammɔ ni, bátaƒɔ-ka bátadi.

Batalane Kabla 14:9

Úlie mmɔ uunú litemi buni lɛni na Paulo unye ɔɔsu. Na ka Paulo ɔ́nu-nwu ɔ́ti kaduɛ ka ɔ́ƒɔ ɔ́di ka nwuna ɔlɛ ɔdubɔba-nwu ɔsu ni,

Mateo 17:18

Amu na Yesu ɔ́bɔku kɔyu kukpidi kɔni nli ɔnamu ɔmmɔ lɛlɔ kemmo na kɔ́lɛ! Na ɔlɛ ɔmmɔ ɔ́ba-nwu kɔnakunwi.

Mateo 8:13

Amu na Yesu ɔ́su bekpone unengu ɔmmɔ ɔnini, “Teesie kaduli. Kalɛ na áƒɔ ádi ni, ɔdububo ute-ɔ lɛni.” Na bekpone unengu kabla ɔblane ɔmmɔ ɔlɛ ɔ́ba-nwu uwi ɔmmɔ kemmo kani.