Mateo 9:18 - Katɔti Ɔku Kedee

¹⁸ Uwi ɔni na Yesu ɔɔtɛmiku-ma ni, Yudaƒuɔ kasalakɔ lɛlɔ ɔnune ɔdi úbo-nwu kudɔ na ɔ́lɛ akɔnkɔ úvele-nwu ɔnini, “Mina ubi ulekubi úkpi ɔƒaani, nsu bo na eti ƒula enu asia-nwu lɛlɔ na ɔdubɔta.”

Mateo 9:18 Referans Kwoze

Mateo 8:2

Amu na ɔnana ɔdi muuƒi ɔlɛgyie úbo úbalɛ akɔnkɔ na nwuna anumi na ɔ́su-nwu ɔnini, “Blɔti! Si aayɔ́ ni, akana na abla-mi sɛɛn.”

Luka 13:14

Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”

Yohane 11:32

Uwi ɔmɛni lɛlɔ ni, Maria úubo úbedu Yesu kudɔ. Na uwi ɔni na ɔ́nu Yesu ni, mmɔ kani na ɔ́yu úwi Yesu lɛgba akɔ na ɔ́su-nwu ɔnini, “Blɔti, si bɔkya na akya mɛni ni, nka mina ɔnwani útekpi.”

Mateo 9:24

Na ɔ́su-ma ɔnini, “Ukyuli biala ɔlɛ keyi. Ulekubi ɔmmɔ útekpi, mmomu bɔlɛɛ kani ɔda.” Amu na bése kalɔ baamá-nwu.

Baga 2 5:11

Nsu Naaman úti kɔnyi na ɔ́tɔlɔ na ɔ́su ɔnini, “Lɛ́bu nnii ɔdubɔlɛ ubo-mi kudɔ. Na ɔkpali nwuna Unwoti Katɔti lɛnyi na udie kɔnu na ɔbɔku ɔlɛ ɔmmɔ ɔlɛku-mi lɛlɔ na lɛkɛ ɔlɔkplu.

Batalane Kabla 13:15

Na uwi ɔni na báka ala básiku Mose ɔda bubo ɔku ku Katɔti Kenye bediene bunweni kemmo bawɔlɔ ni, kasalakɔ batɔnkune bammɔ básu banini, “Banwa, si bina akɔ ɔdi ubo litemi lɛni mɔɔkya ɔkplu na wasu ni, na ubo ubasu.”

Yohane 11:25

Amu na Yesu ɔ́su-nwu ɔnini, “Ami mɔɔyá na bekyuli basɔ baata teebelie ngba. Ukyuli biala ɔni mɔɔƒɔ́-mi taadi ɔdubulie ngba si ina úkpi muedi.

Luka 18:18

Yudani ɔtɔnkune ɔdi úye Yesu ɔnini, “Ala ɔtinane buni, bi na ɔlɛka lɛbla asa na lɛkɛ ngba bɔni nsɔ naaadubo bɔsa kudii?”

Luka 7:2

Mmɔ ni, Romaƒuɔ bekpone unengu ɔdi ɔ́kya ɔni mbo kabla ɔblane ɔni na ɔɔyɔ́ geen. Kabla ɔblane ɔmɛni úbo uuƒi kpakplaa ɔni na ɔɔyɔ́ ukpi muedi.

Mateo 28:17

Na ka bánu-nwu ni, bana badi bémwi-nwu. Nsu badi lɛnɔ kasusu kábla-ma inyɔ inyɔ.

Mateo 17:14

Uwi ɔni na Yesu ku nwuna batɛyane báyu bébo bekyuli pii bammɔ kudɔ ni, ɔnana ɔdi úbo Yesu kudɔ na úbalɛ-nwu akɔnkɔ kalɔ.

Mateo 15:25

Mmɔ na uleku ɔmɛni ɔ́lɛ-nwu akɔnkɔ kalɔ na úvele-nwu ɔnini, “Ati, bunku-mi.”

Mateo 14:33

Amu na batɛyane bammɔ bábu-nwu geen. Na básu-nwu banini, “Katɔti Ubidi geen na adi!”

Mateo 20:20

Amu na Sebedeo ulekudi útiku nwuna bebi inyɔ úsienku Yesu kudɔ ɔnii útevele-nwu kebunku.

Mateo 8:25

Batɛyane bammɔ bátágyila-nwu na básu banii, “Blɔti, ƒɔ-bu! Bɔdaku bukpi!”

Mateo 9:17

Lɛni kani na beleti ntɛ bɔwɔdi teewi ɔku koƒo kɔkukudi kɔni kemmo béewi ntɛ dii. Si ɔɔdi lɛni ni, ɔku koƒo kɔkukudi kɔmmɔ kɔdubɔbwɛ na ntɛ bɔmmɔ lɛnɔ bɔdubuwiakun. Nsu beeti ntɛ bɔwɔdi beewi ɔku koƒo kɔwɔdi kemmo. Na bana anyɔ ƒui badubɔdia.”

Mateo 9:19

Anwuɔsu Yesu ɔ́ta ɔ́siaku-nwu ku nwuna batɛyane lɛnɔ.

Batalane Kabla 28:8

Amu uwi ɔmɛni kemmo kani ni, Publio ɔti uuƒi. Na nwuna lɛlɔ lɛ́ƒɔ ogya, na ɔɔnyi kaƒɔ lɛnɔ. Na ka Paulo útéduo-nwu kudɔ na ɔ́kpali katɔ na úti enu ɔ́sia-nwu lɛlɔ ni, ɔlɛ ɔmmɔ ɔ́ba-nwu.