Mateo 9:15 - Katɔti Ɔku Kedee

¹⁵ Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Mateo 9:15 Referans Kwoze

Budie Taatina 19:9

Mmɔ na Katɔti ɔtu ɔmmɔ ɔ́su-mi ɔnini, “Nweni ala amɛni. Lɛlɔ lɛdubɔyɔ ama bani na badubɔlɔ beboku uleku ketikɔ adila kadikɔ.” Na ɔ́sɔ ɔ́su-mi ɔnini, “Etemila amɛni adi Katɔti ɔlati etemila geen.”

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Yohane 16:6

Na ka lɛ́ɛya na bɛ́ti ɔmɛni ɔsu ni, bina lɛlɔ lɛ́bla-mii kɔnyana.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Mateo 9:14

Amu na Ntu Ɔkpilane Yohane basiakune bébo bébeye Yesu banini, “Bi ɔsu na abu ku Ƒarisiƒuɔ buulie kɔka uwi uwi, na ƒula batɛyane ama belemonku kɔka bulie?”

Mateo 9:16

“Ukyuli biala uléti lɛdiku lɛwɔdi taaka taada lɛkukudi lɛlɔ. Ɔsika lɛdiku lɛwɔdi lɛmmɔ lɛdubɔduli kɔkukudi kɔmmɔ na ɔya na liƒi lɛmmɔ libomo libu.

Marko 2:19

Yesu údie kenye na úbo-ma lɛgba ɔnii, “Uleku ɔgya bakpana beení adila na uleku ketikɔ? Munuu útalɛka ebiti ada-ma ka uleku ɔgya ɔkya-ma akɔ?

Marko 2:20

Nsu limeyi lɛdi ni, badubuti-nwu bɔtɔlɔku nwuna bakpana kudɔ na bakpana bammɔ badubunyimi kenye ku kɔnyana.

Luka 5:34

Amu na Yesu údie kenye ɔnini, “Bɛɛkali ka bekyuli bani na bálɔ béboku uleku ketikɔ badubulie kɔka lebo lɛni na uleku ɔgya ɔmmɔ ɔmu ɔkya-ma kudɔ? Kudi kudii! Ulakana bubo bute lɛni!

Luka 5:35

Nsu ni, limeyi lɛdi lɛdubo lɛni na badubuti uleku ɔgya ɔmmɔ batɔlɔku-ma kudɔ. Na mmɔ ni, ɔɔɔdi ukyuli ɔdi nsɔ ndubo-ma bɔsu asa na badubulie kɔka.”

Luka 17:22

Amu na Yesu ɔ́su nwuna batɛyane ɔnini, “Uwi ɔdi ɔdubo ɔni na bɛdubɔwia bɛnii bɛɛnu limeyi lɛni na ami, Ukyuli Ɔyawine Ubi, mebo. Nsu bilanu!