Mateo 9:13 - Katɔti Ɔku Kedee

¹³ Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Mateo 9:13 Referans Kwoze

Marko 2:17

Ka Yesu únu litemi lɛni na badaku bɔsu ni, ɔ́su-ma ɔnini, “Balɛne mɔɔwia kuvo ɔblane, na ɔɔɔdi bekyuli bani mbo lɛlɔ ɔkplu. Ńtebo nnii mbalɔ bekyuli babuni na benwini kayi, mmomu líbo na bekyuli bani ngyi ka alaekpidi bablane badi ɔsu.”

Luka 19:10

Na ami, Ukyuli Ɔyawine Ubi, líbo nnii mbedie bekyuli bani ƒui náyii ulu geen ɔmmɔ.”

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Luka 5:32

Ɔɔɔdi bekyuli bani nse siin na líbo mbalɔ nnii benwini kayi, mmomu alaekpidi bablane.”

Mateo 12:7

Bunweni Kedee Ɔku ɔɔsu ɔnii, ‘Kɔnyana bɔnu na ami Katɔti mɔɔwia, na ɔɔɔdi bebuo lɛkpa.’ Si biinú ala amɛni kalɔ ni, nka biládu bekyuli bani na bátaƒiɔ-mii kɔtɔ.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Petro 2 3:9

Katɔti uuuse nyɔɔ ka ɔbla lɛla lɛni kenye na ɔ́su úse aani kalɛ na badi baakali. Mmomu ni, ɔɔkɛ́ kayi teete-bu. Ɔsika ulayɔ ɔnii ɔdi ɔyii. Mmomu ɔɔyɔ́ ka bula ƒui bɔda bula ekpidi bɔbla bɔya.

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Mateo 4:17

Ɔ́si uwi ɔni na Yesu útélie Kapernaum ni, úse kalɔ ɔɔkɔ́ lɛsa ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Mateo 3:8

Bɛtina na bina ɔbladu kemmo ka bínwini kama bɛ́kya bina alaekpidi.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Mateo 12:3

Mmɔ na Yesu údie kenye na úye-ma ɔnini, “Bítaka Bunweni Kedee Ɔku kemmo ala bítenu lɛla lɛni na Dawid ɔ́bla uwi ɔni na kɔka kɔɔda anwu ku nwuna bekyuli?

Marko 12:26

Nsu na bekpine bɔsɔ taata litemi lɛlɔ ni, Mose únweni lɛla lɛdi na Bunweni Kedee Ɔku kemmo ɔ́siku kugyii blii kɔni mɔɔkywí lɛlɔ. Munuu bilenyimo? Mmɔ na únweni ka Katɔti ɔ́su-nwu ɔnini, ‘Ami ndi Abraham Katɔti ku Isak Katɔti ku Yakob lɛnɔ Katɔti.’

Yohane 10:34

Amu na Yesu údie kenye ɔnini, “Bénweni na Bunweni Kedee Ɔku kemmo ka Katɔti ɔ́su ɔnini, ‘Bise aani Katɔti.’

Mateo 19:4

Yesu údie kenye ɔnini, “Bítaka na Bunweni Kedee Ɔku kemmo ka kalɔ kesekɔ ni, Katɔti údie ɔnana ku uleku?

Mateo 12:5

Ngyi ka bɛ́ka lɛnɔ na ɔda bubo ɔku kemmo ka ina ka bulabla kabla kadi na lɛnwunameyi lɛlɔ ni, bakpane bani nkya Katɔti kakpakɔ mmɔ beeti bebuo taakpa. Na baladu-ma kɔtɔ.

Luka 10:26

Amu na Yesu údie kenye na úye-nwu ɔnini, “Bi na Bunweni Kedee Ɔku ɔɔsu? Na dɛ na awɔ eenú litemi lɛmmɔ kalɔ?”

Marko 12:33

Na ɔlɛka ukyuli ɔyɔ Katɔti ɔ́siku nwuna kayi kemmo ƒui ku nwuna kasusu kemmo ƒui ku nwuna ɔyikun kemmo ƒui. Na ɔlɛka ɔyɔ nwuna ukyulikpana aani kalɛ na ɔɔyɔ́ anwu ɔlatidi nwuna lɛlɔ kalɛ. Ɔdia ka ukyuli ɔsia ɔda bubo bɔmɛni kama utulo si úti bebuo ku akpala abambadi útákpa Katɔti.”

Luka 5:31

Amu na Yesu údie kenye ɔnini, “Bekyuli bani mbo lɛlɔ ɔkplu baláwia uvone, amu ntu balɛne lɛti.