Mateo 9:11 - Katɔti Ɔku Kedee

¹¹ Amu na Ƒarisiƒuɔ bani nánu ɔmɛni ni, béye nwuna batɛyane banii, “Bi ɔsu na bina ala ɔtinane ku bekyuli bamɛni udu baadi?”

Mateo 9:11 Referans Kwoze

Mateo 11:19

Nsu uwi ɔni na ami ɔni ndi Ukyuli Ɔyawine Ubi líbo ni, lɛ́di na lɛ́ni. Na ukyuli biala ɔ́su ɔnii, ‘Bɛnu ɔdivone ɔmɛni! Uukpi ntɛ! Anwu ku kuyi baƒɔne ku bekyuli bekpidi muusié.’ Nsu takpete-ma. Katɔti lɛnunda lɛdubudie lɛlɔ keyi na lɛla lɛni na ukyuli ɔɔbla kemmo.”

Luka 5:30

Ƒarisiƒuɔ ku ɔda bubo ala batinane bani nkya kasalakɔ mmɔ bákyaku Yesu basiakune unyeƒi banii, “Bi ɔsu na bɛɛdi na bɛɛní ku kuyi baƒɔne ku alaekpidi bablane babambadi bamɛni?”

Marko 2:16

Anwuɔsu uwi ɔni na ɔda bubo ala batinane bani nási Ƒarisiƒuɔ lɛkpa lɛmmɔ kemmo bánu ka Yesu ulie ɔɔdiku bekyuli bani lɛlɔ neeebo ɔbu mɛni ni, béye nwuna batɛyane banii, “Dɛ na ɔ́bla na anwu ku bekyuli bamɛni udu nlie mɔɔdi?”

Hebriƒuɔ 5:2

Na bekyuli bani naaagyi ɔda bubo bɔmmɔ na báyii ulu ni, ɔkpane ɔmmɔ ɔgyi kalɛ na ɔbla bana litemi buɛɛ. Ɔsika anwu lɛnɔ ulákana ɔda bubo bɔmmɔ ƒui lɛlɔ bɔdi.

Galatiƒuɔ 2:15

“Abu bani na báwɔ-bu na bɔdi Yudaƒuɔ ni, buuuse aani bekyuli bani naaadi Yudaƒuɔ na bɔɔlɔ-ma ala ekpidi bablane.

Luka 19:7

Bekyuli bammɔ ƒui bése kalɔ beetemi na Yesu lɛlɔ kalɔ kalɔ banii, “Ɔnana ɔmɛni úsela utéduo ukyuli ɔni ndi alaekpidi ɔblane ɔmɛni kudɔ.”

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Yohane 2 1:10

Ɔmɛni ɔsu si ukyuli ɔdi úbo-mii kudɔ na ɔɔɔda Kristo ala bɔtina bɔmɛni ni, bitegyingya enu bitaƒɔ-nwu na uduo-mii kaduli.

Mateo 5:46

Si bekyuli bani mɔɔyɔ́-mii kani na amii lɛnɔ bɛɛyɔ́ ni, Katɔti ɔɔɔdubo-mii kayu kadi bɔƒɔ. Lɛni kani na kuyi baƒɔne lɛnɔ baabla.

Mateo 9:10

Uwi ɔni na Yesu ulie ɔɔdi na Mateo kaduli ni, kuyi baƒɔne pii ku alaekpidi bablane babambadi bébo babadiku Yesu ku nwuna batɛyane na mmɔ.

Batalane Kabla 11:3

“Awɔ ábla unwi ku baƒɔ bani naaasiaku Yudaƒuɔ ala bɔtina, na bɛ́kya kɔnu bɛ́di na lɛkyami linwi kemmo!”