Mateo 8:8 - Katɔti Ɔku Kedee

⁸ Bekpone unengu ɔmmɔ údie kenye ɔnini, “Blɔti, oowo! Ńtamanku ka ebo mina kaduli. Nsu su litemi lɛdi kani na mina kabla ɔblane ɔmmɔ ɔlɛ ɔdubɔba-nwu.

Mateo 8:8 Referans Kwoze

Kɔgya 107:20

Ɔ́bɔku ɔlɛ ɔmmɔ na ɔ́ba-ma na básɔ bétekpi.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Mateo 8:3

Yesu únene kɔnu útuku-nwu, na ɔ́su-nwu ɔnini, “Mɔɔyɔ́. Lɛlɔ lɛbla-a sɛɛn.” Mmɔ kani ni, ɔlɛ ɔmmɔ ɔ́ba ɔnana ɔmmɔ.

Yohane 1:27

Anwu ndi ukyuli ɔni nkpɛ-mi kama ɔdubo, na ami ńtedu ka lɛbla kabla kadi lite-nwu muedi.”

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Luka 15:21

“Mmɔ na ubidi ɔ́su-nwu ɔnini, ‘Ati, lɛ́bla likpidi lɛ́ƒiɔ Katɔti, na lɛ́ƒiɔ awɔ lɛnɔ. Na ńsɔ ńtamanku ka alɔ-mi anii ubi lɛnɔ!’

Luka 15:19

Ńsɔ ńtamanku ka alɔ-mi anii ƒula ubi. Mmomu bla-mi aani bekyuli bani néti lɛlɔ bése ɔkpa béte-ɔ akɔ ɔdi.” ’

Mateo 3:14

Nsu ka Yohane ɔ́yɔ ka Yesu ɔvumana nwuna kasusu kammɔ ɔsu ni, ɔ́su Yesu ɔnini, “Ami mmomu na ɔlɛka libo-ɔ kudɔ, na ɔɔɔdi awɔ na ɔlɛka ebo-mi kudɔ anii nkpila-a ntu!”

Bumomo Bɔka 20:8

“Ti ugyii ɔdadi ɔmmɔ na awɔ ku Aaron bɛsala bekyuli bammɔ ƒui. Na etemi ete lɛtakpɛ lɛmmɔ na bekyuli bammɔ ƒui anumi. Na ntu bɔdubo bɔlɛ lɛtakpɛ lɛmmɔ kemmo na bekyuli bammɔ ku bana bebuo bani.”

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Mateo 8:7

Yesu ɔ́su-nwu ɔnini, “Ndubusie ntábwi-nwu.”

Mateo 8:9

Ami lɛnɔ ndi ukyuli ɔni nkya benengu badi kalɔ, na bekpone badi lɛnɔ bakya-mi kalɔ. Si lɛ́su ɔdi nnii, ‘Teesie’ ni, uusié. Na si lɛ́su ɔdi lɛnɔ nnii ‘Bo’ ni, uubo. Na si lɛ́su mina kabla ɔblane nnii, ‘Bla ɔmɛni’ ni, ɔɔbla.”