Mateo 8:29 - Katɔti Ɔku Kedee

²⁹ Kɔnakunwi ni, báva ku lɛdi momoomo na béye-nwu banii, “Bi na awɔ Katɔti Ubidi aawia-bu kudɔ mɛni? Ébo anii abaka-bu kɔtu bɔni asa na uwi ɔni na Katɔti ɔdubɔtɛku-bu litemi wedu?”

Mateo 8:29 Referans Kwoze

Marko 1:24

“Yesu Nasareni, bi na aawia asiku bula kudɔ? Bubo na ébo anii abakyula-bu? Ngyi ukyuli ɔni na adi. Awɔ ndi Katɔti Ɔtalane Kedee!”

Luka 4:34

“Ao! Bi na aawia-bu kudɔ mɛni, Yesu Nasareni? Bubo na ébo mɛni anii abakyula-bu? Ngyi ukyuli ɔni na adi! Awɔ ndi Katɔti Ɔtalane Kedee!”

Yakobo 2:19

Áƒɔ ádi ka Katɔti unwi pɛ nkya, na use lɛni sɔsɔ. Nsu nyimo ka ayu ekpidi lɛnɔ áƒɔ ádi lɛni, na baayia. Anwuɔsu na lɛlɔ lɛɛtɔ́-ma.

Marko 5:7

Na ɔ́va momoomo ɔ́su ɔnini, “Yesu, katɔ ku kalɔ Ɔyikune Ƒui Ubi! Buvele, su-mi se ka aláni-mi kɔtu!”

Luka 8:28

Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.”

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Mateo 4:3

Amu na ukisine ɔmmɔ úbo-nwu kudɔ na ɔ́su-nwu ɔnini, “Si Katɔti ubidi na adi ni, su atabi amɛni na enwini adila.”

Yohane 2:4

Amu na Yesu ɔ́su-nwu ɔnini, “Uleku, ɔɔɔdi awɔ masu-mi lɛla lɛni mabla. Uwi ɔni na mete kebunku útedu tɔ.”

Luka 4:41

Ayu ekpidi lidu pii lɛnɔ lɛ́vi lɛ́lɛ bekyuli kemmo na baava taasu banii, “Awɔ ndi Katɔti Ubidi!” Nsu Yesu ɔ́bala ayu ekpidi ammɔ na útete-ma ulu ka basu lɛla lɛdi, ɔsika báti ka anwu ndi Ukyuli Ɔƒunadi ɔmmɔ.

Samuel 2 16:10

Nsu Ɔga Dawid ɔ́su ɔnini, “Seruia bebi, bi nkɛ-mii na lɛmɛni lɛlɔ? Ɔƒɛni kalɛ Unwoti násu-nwu ɔnini, ‘Teesie na etéwida Dawid.’ Ɔma ndubɔkana na weye ɔnini, ‘Bi ɔsu na aasu lɛni?’ ”

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”

Marko 3:11

Bekyuli badi bakya bani na ayu ekpidi eli-ma lɛlɔ. Si bánya bánu Yesu ni, beeboku lɛlɔ kalɔ na baava taasu banii, “Awɔ ndi Katɔti Ubi!”

Baga 1 17:18

Amu na ukpinele ɔmmɔ ɔ́su Elia ɔnini, “Katɔti ukyuli, bi ɔsu na ábla-mi lɛni? Bubo na ébo mɛni ka abaya na linyimo mina likpidi na adu mina ubidi?”

Samuel 2 19:22

Mmɔ na Ɔga Dawid údie kenye ɔnini, “Ami ku amii Seruia bebi ni, buuuse likeke na ulu biala lɛlɔ. Na ɔmwi ni, bínwini mina bekisine! Bi ɔsu na ɔlɛka badu ukyuli ɔdi na Israel kalɔ kemmo ɔmwi? Ɔmwi ni, ngyi nwaa ka ami ndi Israelƒuɔ ƒui ɔga.”

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.

Litemi Batɛne 11:12

Mmɔ na Yeƒta ɔ́tala bekyuli ɔ́kya Amonƒuɔ ɔga ka batásu-nwu banii, “Bi na bɔ́bla-a ɔsu na ébekpoku bula kalɔ bekyuli?”

Baga 2 3:13

Amu na Elisa úye Israelƒuɔ ɔga ɔnini, “Bi na ami ku awɔ bubo bute lɛlɔ? Teesie na atánu kenye bediene bani na ƒ'ɔti ku ƒ'ini bátaanu mmɔ.” Amu na Israel ɔga údie kenye ɔnini, “Oowo! Unwoti néti bula baga ɛtɛ bamɛni ɔ́sala kalɛ na uti-bu ɔkya Moabƒuɔ ɔga enu kemmo.”

Ala Alɛdi 2 35:21

Mmɔ na Neko ɔ́kya Yosia ɔtu ɔnini, “Ɔɔɔdi awɔ Yuda Ɔga na líbo mbekpoku! Na ami ku awɔ bútakɛ lɛla lɛdi na buukpó. Katɔti násu-mi ɔnii mbekpoku mina ukisine na unye-mi kama lɛnɔ sɔsɔ. Anwuɔsu si awɔ ákali ka enye ada-mi ni, Unwoti ɔdubo-ɔ kɔtu bɔni.”

Mateo 8:30

Amu na amadɔ mmɔ ni, baplakuo pii badi benye baadi.