Mateo 8:27 - Katɔti Ɔku Kedee

²⁷ Amu na ɔ́bla ukyuli biala kalɛ kadi. Na béye lɛlɔ banini, “Bi? Bútanu ukyuli ɔmɛni udu kudii! Ɔƒɛƒɛɛ ku ntu bɔni mɔɔnwanɛ lɛlɔ muedi buunú-nwu litemi!”

Mateo 8:27 Referans Kwoze

Marko 7:37

Na bekyuli bani ƒui nénu ala ammɔ ni, ɔ́bla-ma yaa! Na básu lɛlɔ banini, “Ɔɔbla ala ani ƒui kaduɛ sɔsɔ! Ɔɔyá na bamumu baatɛmi, na batutine lɛnɔ beenú!”

Marko 6:51

Amu na ɔ́kɔ úduo-ma kudɔ na ɔkɔlɔ ɔmmɔ kemmo, na ɔƒɛƒɛɛ ɔmɛni ɔ́da bukpo ɔ́ya. Ɔmɛni ɔ́bla nwuna batɛyane dɛye dɛye!

Marko 1:27

Ɔ́bla bekyuli bani nnye ƒui yaa na béye lɛlɔ banii, “Bi litemi lɛdi mɛni? Bi bɔkpa bɔwɔdi udu na bɔmɛni bɔdi? Ukyuli ɔmɛni ubo ɔyikun ɔni na ɔɔtɛmi ku ayu ekpidi na eenú-nwu litemi!”

Mateo 15:31

Ɔni na bekyuli bammɔ bánu ka bamumu beetemi, na bani na lɛlɔ ekpo átasa-ma ása-ma, na bani náƒɛ bewi kalɔ beesié, na banumbwɛne lɛnɔ baanu ni, ɔ́bla-ma kalɛ kadi. Na bémwi Israel Katɔti.

Mateo 14:33

Amu na batɛyane bammɔ bábu-nwu geen. Na básu-nwu banini, “Katɔti Ubidi geen na adi!”

Mateo 8:10

Ka Yesu únu ɔmɛni ni, ɔ́bla-nwu kalɛ kadi na ɔ́su bekyuli bani nsiaku-nwu mmɔ ɔnini, “Mɔɔsu-mii geen ka na Israelƒuɔ akɔ muedi ni, ńtanu tɔ bɔƒɔtaadi bɔmɛni udu.

Mateo 8:26

Mmɔ na Yesu úye-ma ɔnini, “Bi ɔsu na bibo liƒu lɛni? Bina bɔƒɔtaadi bɔsɔ.” Amu na ɔ́ta na ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ ɔnii bɔda bɔya. Na mmɔ ƒui kábla kpoo.

Mateo 8:28

Ka Yesu útéduo Gadara kalɛkɛ na ɛpu ɔvi ni, nkyuli inyɔ badi na ayu ekpidi eekpóku-ma bási bekyuli kavakɔ mmɔ bábasiaku-nwu. Na ka bana lɛlɔ lɛɛda liƒu geen ɔsu ni, ukyuli ɔdi ulásia ulu ɔmmɔ lɛlɔ.