Mateo 8:25 - Katɔti Ɔku Kedee

²⁵ Batɛyane bammɔ bátágyila-nwu na básu banii, “Blɔti, ƒɔ-bu! Bɔdaku bukpi!”

Mateo 8:25 Referans Kwoze

Yona 1:6

Amu na unengu ɔni mɔɔka ɔkɔlɔ ɔmmɔ útánu Yona ka ɔtɛ ɔlɛɛ, na úye-nwu ɔnini, “Bi ɔsu na atɛ alɛɛ lɛni? Ta pla na akpali ƒula Katɔti na eye kebunku. Ɔƒɛni kalɛ ɔdubɔnu bu kɔnyana na ɔƒɔ-bu ngba.”

Luka 8:24

Batɛyane bammɔ bésie na bátágyila Yesu na básu-nwu banini, “Ati! Bɔdaku bukpi!” Amu na Yesu ɔ́ta únye na údie lɛdi ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ, na ana ƒui kenye káyɔ na ɔ́bla buɛɛ.

Ala Alɛdi 2 20:12

Aaadubo-ma kɔtu bɔni? Buuubo kenyekɔ kadi na bekpone bamɛni udu anumi si banii beekpó-bu sɔsɔ. Bɔɔɔgyi lɛla lɛni na bɔbla, anwuɔsu kebunku kani na buuvele.”

Ala Alɛdi 2 14:11

Amu na Asa ɔ́kpali úvele ɔnini, “Unwoti Katɔti awɔ kani ndubɔkana na ebunku bekpone bani neeebo ɔyikun na badi bani na bebo ɔyikun lɛlɔ. Anwuɔsu ƒula lɛlɔ na bula anu asia ka ebunku-bu. Na bɔdubo bekpone bani mbo ɔyikun geen mɛni bukpoku buti bute ƒula lɛnyi ɔbu. Na bɔgyi ka ulakana na wadi-ɔ lɛlɔ, ɔsika awɔ ndi Unwoti bula Katɔti.”

Kɔgya 10:1

O Unwoti, bi ɔsu na ágyunku-bu lɛni, na si uwi ɔni na ala eekpóku-bu ni, na eeti ƒula lɛlɔ taabɛla-bu?

Mateo 8:2

Amu na ɔnana ɔdi muuƒi ɔlɛgyie úbo úbalɛ akɔnkɔ na nwuna anumi na ɔ́su-nwu ɔnini, “Blɔti! Si aayɔ́ ni, akana na abla-mi sɛɛn.”

Mateo 8:24

Kɔnakunwi ni, ɔƒɛƒɛɛ kpakplaa ɔdi úse kalɔ uukpó na ɛpu ɔmmɔ lɛlɔ. Na uubó ntu teewi ɔkɔlɔ ɔmmɔ kemmo, na ɔɔyɔ́ ɔnyi. Nsu uwi ɔmmɔ ƒui ni, na Yesu anwu ɔtɛ ɔlɛɛ.

Mateo 9:18

Uwi ɔni na Yesu ɔɔtɛmiku-ma ni, Yudaƒuɔ kasalakɔ lɛlɔ ɔnune ɔdi úbo-nwu kudɔ na ɔ́lɛ akɔnkɔ úvele-nwu ɔnini, “Mina ubi ulekubi úkpi ɔƒaani, nsu bo na eti ƒula enu asia-nwu lɛlɔ na ɔdubɔta.”