Mateo 8:12 - Katɔti Ɔku Kedee

¹² Nsu Katɔti ɔdubɔbɔku Yudaƒuɔ badi bani nka badi bagadine mmɔ utákya kasuudikɔ. Mmɔ na badubuwulo na badu bana anumi.”

Mateo 8:12 Referans Kwoze

Mateo 25:30

Na kabla ɔblane ɔni na nwuna lɛlɔ liiibo kɔsia kɔdi mɛni anwu ni, bibo-nwu bɛlɛku bitákya kasuudikɔ. Mmɔ na keku ku animi bɔdu bɔdubɔkya.

Luka 13:28

“Mmɔ na keku ku animi bɔdu bɔdubɔkya uwi ɔni na bɛdubɔnu Abraham ku Isak ku Yakob ku Katɔti kenye bediene ƒui na Katɔ Ɔga Ɔma uwi ɔni kemmo na Katɔti ɔ́gya-mii ɔnii biteduo.

Mateo 21:43

Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Mateo 13:50

Na bebo bekpidi bammɔ bakya lɛgyavonku kemmo. Mmɔ na keku ku animi bɔdu bɔkya.”

Mateo 13:42

Badubuti anya ku-ma ƒui batákya lɛgyavonku kemmo. Mmɔ na keku ku animi bɔdu bɔkya!

Mateo 24:51

Na unwoti ɔmmɔ ɔdubɔni kabla ɔblane ɔmmɔ kɔtu geen. Na nwuna kɔtu bɔni kɔdubɔyu ɔkplu aani anumi lɛlɔ bekyuli bɔdi kalɛ! Mmɔ na keku ku animi bɔdu bɔdubɔkya!”

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Batalane Kabla 3:25

Unwoti nényimi kenye kamɛni ku bina bati ɔkɛ nwuna kenye bediene lɛlɔ. Na amii ndi bunyimi bɔmɛni ala badine. Ɔ́su Abraham ɔnini, ‘Na ɔkɛ ƒula kaba kemmo na ndubute kayawi ƒui bekyuli kusɛ kusɛ.’

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Yesaia 65:14

Mina kabla bablane badubo lɛnu budie ku kubiti bɔsiku bana kayi kemmo nsu amii bɛdubo kɔnyana buwulo na kayi kakpulu-mii na bɛyila lɛnunsia biala.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.