Mateo 7:7 - Katɔti Ɔku Kedee

⁷ “Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Mateo 7:7 Referans Kwoze

Mateo 21:22

Na lɛla biala lɛni na bɛdubuye Katɔti na bɔƒɔtaadi kemmo ni, bɛdubɔkɛ-ni.”

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Marko 11:24

Anwuɔsu mɔɔsu-mii nnii lɛla biala lɛni na bɛdubuye Katɔti na uwi ɔni na bɛɛkpali katɔ ni, bɛƒɔ bɛdi bɛnii bɛdubɔkɛ-ni. Na Katɔti ɔdubɔbla lɛla lɛmmɔ ute-mii.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Mateo 7:8

Ɔsika ukyuli biala ɔni muuvele Katɔti ala ni, ɔdubute-nwu. Na ukyuli biala ɔni mɔɔwia ni, ɔɔkɛ́. Na ukyuli biala ɔni muubó Katɔti kegbuta kɔnu ni, ɔɔlɛmi teete-nwu.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Mateo 18:19

“Na nsɔ mɔɔsu-mii lɛnɔ nnii si bina inyɔ bɛ́bla kenye kenwi na kayawi mɛni na bɛ́sala bivele lɛla lɛdi ni, mina ɔti ɔni nkya katɔ ɔdubɔbla-ni ute-mii.

Amos 5:4

Unwoti unye ɔɔsu uwi biala ɔnini, “Israel, bɛwia ami Unwoti kama ulu na bɛkɛ ngba bilie!

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Kɔgya 27:8

Unwoti, mina kayi kaasu-mi ka lɛni lide-ɔ. Anwuɔsu na líbo-ɔ kudɔ.

Luka 18:1

Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Mateo 7:11

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Lɛnu Ƒui Ɔnu 3:2

Anwuɔsu lɛ́ta ńtávi ɔma kemmo lɛ́wia-nwu na lɛblɔnu ƒui lɛlɔ, nsu ńtanu-nwu.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Kɔgya 119:12

Unwoti, muumwi ƒula lɛnyi. Tina-mi ƒula ɔda bubo.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Kɔgya 70:4

Na bekyuli bani mɔɔwia-a kama ulu ni, lɛlɔ lɛdubɔyɔ-ma si bánu-ɔ na ebiti ada-ma. Na bani mɔɔyɔ́ ƒula ngba bɔƒɔ basu uwi ndi uwi banini, “Bemwi Katɔti Lɛnyi.”

Kɔgya 69:32

Na si bekyuli bani muubó abi na bekyuli enu kemmo bánu ɔmɛni ni, kubiti kɔdubɔda-ma.

Baga 1 3:5

Na Gibeon mmɔ ni, Unwoti údie lɛlɔ ɔ́tina Salomo na kɔna kemmo usien ɔdi. Na Katɔti ɔ́su Salomo ɔnini, “Vele-mi lɛla biala na aayɔ́ na ndubuti-ni lite-ɔ.”

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Kɔgya 34:4

Lɛ́kpali Unwoti na únu úte-mi na údie-mi ɔ́lɛku ala ani ƒui mɔɔkya-mi liƒu kemmo.

Kɔgya 37:4

Ya na ebiti ataada-a na Unwoti lɛlɔ na ɔdubɔbla ƒula kayi ayɔla ute-ɔ.

Yesaia 30:19

O amii Sion kadi bekyuli bani nli Yerusalem ɔma, útalɛ ka bɛsɔ bilie biteewulo. Unwoti ubo lɛƒɔndia geen na si bɛ́va bɛ́kpali-nwu ɔdubunu na nanu-mii kɔnyana.

Ala Kalɔ Buse 26:32

Limeyi lɛmmɔ kani lɛlɔ ni, Isak kabla bablane bébo na bábasu-nwu ka libiɔ lɛni na bétéku ni, bákɛ ntu!