Mateo 7:25 - Katɔti Ɔku Kedee

²⁵ Ɔnantu ɔ́na na ntukpa búyi, na ɔƒɛƒɛɛ úkpo momoomo ɔ́siaku ɔtɔ ɔmmɔ. Nsu útaƒɛ, ɔsika ɔ́tu-nwu ɔ́lɛ lɛtakpɛ lɛlɔ.

Mateo 7:25 Referans Kwoze

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Agba 10:25

Ɔgbankpi uubo bekyuli bekpidi lɛlɔ aani ɔƒɛƒɛɛ ɔni mɔɔkya ligede, na uuti-ma ƒui. Nsu bekyuli babuni kɔwodu kalɔ ɔka ɔni bákya uunye teetu uwi.

Mateo 7:24

“Anwuɔsu ni, ukyuli ɔni muunú mina etemila amɛni na ɔɔdi-nya lɛlɔ ni, ɔdi ɔnundane. Use aani ukyuli ɔni nátu nwuna ɔtɔ na lɛtakpɛ lɛlɔ.

Mateo 7:26

Nsu ukyuli ɔni muunú mina etemila na uládi-nya lɛlɔ ni, ɔdi ɔdɔlɔdi. Use aani ukyuli ɔni nátu nwuna ɔtɔ na kɔnwinimi lɛlɔ.

Mateo 7:27

Ɔnantu ɔ́na na ntukpa búyi, na ɔƒɛƒɛɛ úkpo momoomo ɔ́siaku ɔtɔ ɔmmɔ, na ɔ́ƒɛ butu butu.”