Mateo 7:23 - Katɔti Ɔku Kedee

²³ Mmɔ na ndubɔsu-ma nnii, ‘Lɛɛɛgyi-mii kula kula! Bɛtɔlɔ-mi kudɔ, amii bekyuli bekpidi.’

Mateo 7:23 Referans Kwoze

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Kɔgya 6:8

Amii alaekpidi bablane, bɛkpɛ bɛlɛ-mi lɛlɔ! Unwoti Katɔti uunú-mi buwulo.

Luka 13:27

“Nsu anwu ɔdubɔsɔ udie kenye ɔnii, ‘Lɛɛɛgyi-mii! Bɛkpɛ bisie-mii lɛlɔ, amii bekyuli bekpidi.’

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Mateo 25:12

“Na uleku ɔgya ɔmmɔ ɔ́su-ma ɔnini, ‘Kudi kudii! Lɛɛɛgyi-mii.’ ”

Yohane 10:14

“Ami ndi baƒonu ɔdane ɔbuni. Na aani kalɛ na Ati ɔgyi-mi na ami lɛnɔ ngyi-nwu ni, lɛni kani na ngyi mina baƒonu, na ama lɛnɔ bagyi-mi. Na lɛ́tuna ka likpi na bana lili.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Kɔgya 5:5

Na bekyuli bani mɔɔkun lɛmɛnɛ ni, alawia-ma alanu. Na ekisi bekyuli bani mɔɔbla likpidi.

Kɔgya 119:115

Bɛgyu lɛgba bɛtɔlɔ-mi kudɔ amii alaekpidi bablane. Mina Katɔti ɔda bubo lɛlɔ kani na ndubɔdi.