Mateo 7:21 - Katɔti Ɔku Kedee

²¹ “Ɔɔɔdi ukyuli biala ɔni mɔɔlɔ-mi ɔnii, ‘Blɔti, Blɔti,’ ndubuduo Katɔti Lɛga Kadikɔ. Mmomu bekyuli bani mɔɔbla mina Ɔti ɔni nkya katɔ lɛyɔla ndubuduo mmɔ.

Mateo 7:21 Referans Kwoze

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Luka 6:46

“Bi ɔsu na bɛɛlɔ-mi bɛnii Blɔti, nsu bilábla taasiaku lɛla lɛni na lɛ́su-mii lɛlɔ?

Yakobo 1:22

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Hebriƒuɔ 4:6

Litemi lɛmɛni lɛmu lise lɛni ka badi badubɔkɛ bɔnwuna bɔmmɔ. Na bani náka lɛsa bɔkɔ bɔmmɔ bunu ni, ama mmomu néteduo bɔnwuna bɔmmɔ kemmo ɔ́si bana atuɔkplu ɔsu.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Budie Taatina 3:5

Ukyuli ɔni madi ekpidi lɛlɔ ni, ɔdubɔda ala aƒualadi aani bana kalɛ. Na lɛɛɛdubo-ma anyi bɔda budie ngba ɔku kemmo. Na ndubudie-ma kenye na mina Ɔti ku Katɔti batu ƒui anumi ka badi ami badi.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Mateo 18:3

Na ɔ́su-ma ɔnini, “Mɔɔsu-mii nnii si bítavumana udu na binwini aani banamu ni, bileduo Katɔ Ɔga Ɔma kudii.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Marko 3:35

Ukyuli biala ɔni mɔɔbla Katɔti lɛƒɔyɔ ni, anwu ndi mina ɔnwani ɔnanabi iye mina ɔnwani ulekubi iye mina uni.”

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Eƒesoƒuɔ 6:6

Ka bɛdi Kristo kabla bablane ɔsu ni, biti bina ɔyikun ƒui bɛbla lɛla lɛni na Katɔti ɔɔwia. Na ɔɔɔdi bana anumi na ɔdi ka bɛbla lɛla lɛdi biti bɛtina bekyuli kalɛ na bemwi-mii.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Tesalonikaƒuɔ 1 4:3

Katɔti ɔɔwia ka bɛbla lɛlɔ kedee na bɛda lɛlɔ bidie lɛsɔnɔdi kemmo ƒui.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Luka 13:25

Uwi ɔdubo ubedu ɔni na Unwoti ɔmmɔ ɔdubɔta na ɔkalɛ kayakun kammɔ. Na amii bani nébu binye keyi bɛdubo kɔnu kayakun buteebo bɛnii, ‘Ati, lɛmi-bu!’ “Nsu Unwoti ɔmmɔ ɔdubudie kenye ɔnii, ‘Lɛɛɛgyi-mii!’

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Luka 18:25

Na kalɛ na ɔlakɛne uduo Katɔti lɛga kadikɔ ni, ubo ɔkplu utulo kalɛ na ebuo ɔni nébomo utulo ƒui ɔvili udila liƒi.”

Marko 9:47

Na si ƒula lɛnumi lɛɛkpanku-ɔ taatákya likpidi kemmo ni, da-ni die. Ɔdia si ebo lɛnumi linwi na éduo Katɔti lɛga kadikɔ utulo si ebo anumi anyɔ na bébo-ɔ bátákya kebu

Mateo 19:24

Nsɔ mɔɔsia kama lɛsu-mii nnii úse ubo ɔlakɛne ɔkplu geen asa na wakana na weduo Katɔti lɛga kadikɔ utulo kalɛ na ebuo ɔni nébomo utulo ƒui ɔvi udila liƒi.”

Mateo 18:35

Amu na Yesu ɔ́wɔlɔ kɔtɛ kɔmmɔ ɔnini, “Lɛni kani na mina Ɔti ɔni nkya katɔ ɔdubɔbla bina akɔ ɔdi biala si biléti taakyiɛ bina baƒɔtaadine bakpana ɔ́si bina kayi kemmo ƒui.”

Yohane 15:23

Na ukyuli biala ɔni muukisi-mi ni, uukisi mina Ɔti lɛnɔ.

Mateo 26:42

Amu na Yesu ɔ́sɔ únwini úsie kunyɔdi na ɔ́kpali ɔnini, “Mina Ɔti, si lɛbibo lɛni ndubo buti mɛni lilávi-mi lɛlɔ na ɔdi-ɔ lɛƒɔyɔ ka liti-ni ni, ya na ɔlɛ lɛni.”

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Yohane 14:7

Na si bɛgyi-mi sɔsɔ ni, bɛdubɔti mina Ɔti lɛnɔ. Anwuɔsu ɔƒɛni ni, bɛgyi Katɔti ɔmmɔ na bɛ́ɛnu-nwu lɛnɔ.”

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Mateo 26:39

Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:19

“Na nsɔ mɔɔsu-mii lɛnɔ nnii si bina inyɔ bɛ́bla kenye kenwi na kayawi mɛni na bɛ́sala bivele lɛla lɛdi ni, mina ɔti ɔni nkya katɔ ɔdubɔbla-ni ute-mii.

Mateo 25:10

“Ka bánya bátɔlɔ kani na uleku ɔgya ɔmmɔ úbeduo. Na begblebi ɛlɔ bani náda lɛlɔ bése mmɔ básiaku-nwu béduo uleku ketikɔ mmɔ, na bákalɛ ɔtɔ.