Mateo 7:12 - Katɔti Ɔku Kedee

¹² Ala ani na aayɔ́ ka bekyuli bamba babla bete-ɔ ni, bla-nya te ama lɛnɔ lɛni kani. Ɔmɛni ndi Mose ɔda bubo ku Katɔti kenye bediene ala ani bátina kalɔ budie.

Mateo 7:12 Referans Kwoze

Luka 6:31

Lɛla lɛni na aayɔ́ anii babla bete-ɔ ni, ani kani na awɔ lɛnɔ ɔlɛka abla ete bekyuli.

Lewiƒuɔ Ɔda Bubo 19:18

“ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Esekiel 18:21

“Na si bekyuli bekpidi báda bana ekpidi bɔbla báya na bése kalɔ baabla lɛbuni na baadi mina ɔda bubo lɛlɔ ni, baaadubo-ma bɔdu.

Mateo 5:17

“Bitakali bɛnii líbo nnii mbada Mose ɔda bubo ku ala ani na Katɔti kenye bediene bátina lidie. Ńtebo nnii mbada-nya lidie munu munu. Mmomu ni, líbo kalɛ na ala ani bátina mmɔ ebo ete lɛni.

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”