Mateo 7:11 - Katɔti Ɔku Kedee

¹¹ Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Mateo 7:11 Referans Kwoze

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yesaia 49:15

Nsu Unwoti údie kenye ɔnini, “Ubi uni ɔdi ɔdubɔkana na ɔyiƒala ubi ɔni nányimi-nwu lɛnyii? Munuu ɔdubuni na uláyɔ ubi ɔni nálɛ ɔ́si-nwu lɛlɔ kemmo? Ina ubi uni ɔdi ɔdubɔbla lɛni ni, ami lɛɛɛdubo-mii bɔyiƒala kudii.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Yohane 1 4:10

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Kɔgya 85:12

Sɔsɔ na ɔdi ka Katɔti ɔdubute-bu ala abuni na ɔya na kalɔ kammɔ kadia edula pii kete-bu.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Galatiƒuɔ 3:22

Nsu Bunweni Kedee Ɔku ɔmmɔ ɔ́su ka kayawi kemodi kénwini kabla ɔblane kéte likpidi. Na kenye kani na Katɔti ɔ́su úse ka wete bekyuli ɔkɛnku bɔƒɔtaadi na Yesu Kristo lɛlɔ kadububo kete bani náƒɔ-nwu bádi.

Romaƒuɔ 3:9

Na ɔƒɛni ni, bi na bɔkana bɔsu na abu Yudaƒuɔ lɛlɔ? Bubo kenyekɔ kabuni butulo bani naaadi Yudaƒuɔ? Kudii! Ɔsika lɛ́ɛtina ḿbavi ka likpidi lɛ́ƒɔ Yudaƒuɔ ku bani naaadi Yudaƒuɔ ƒui lɛnɔ lɛlɔ kemmo.

Yeremia 33:14

Unwoti ɔnini, “Líse Israel ku Yuda kenye kabuni kadi. Na uwi ɔdi ɔdubo ɔni na ndubɔdi linyese lɛmmɔ lɛlɔ.

Samuel 2 7:19

O Unwoti Ɔbune, ɔɔɔdi ami kani na éte kusɛ kusɛ ábavi. Mmomu ƒula anu asia mina ɔtɔ kemmo bekyuli lɛnɔ lɛlɔ. Na aasu kpakplaa ɔƒaani ka adubute-ma kusɛ kusɛ na uwi ɔni ndubo kemmo. O Unwoti Ɔbune, mɔɔnu ka ɔmɛni ɔɔɔdi lɛla lɛni na aabla teete bekyuli ƒui.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Hiob 15:16

Na dɛ na ukyuli anwu ɔdubɔbla sɛɛn? Likpidi lɛ́ƒɔ-nwu lɛlɔ kemmo, na lɛɛda-nwu ɔkwɛ aani utukwɛ kalɛ.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Mateo 7:10

Na uleti kɔlakpi ulete-nwu si úye-nwu kabɛ.

Mateo 23:9

Na bina akɔ ni, bitalɔ ukyuli ɔdi na kayawi mɛni bɛnii Blɔti, ɔsika Blɔti unwi pɛ na bibo. Na ɔkya katɔ.