Mateo 6:9 - Katɔti Ɔku Kedee

⁹ Anwuɔsu lɛni na ɔlɛka bɛkpali katɔ bɛsu bɛnii, “ ‘Bula Ɔti ɔni nkya katɔ, balɔ-ɔ lɛnyi buni.

Mateo 6:9 Referans Kwoze

Budie Taatina 4:11

“Blɔti ku bula Katɔti! Awɔ námanku éte bumwi ku ɔbu ku ɔyikun. Ɔsika awɔ nédie ala ani ƒui, na áya na ana ƒui eli ngba na ƒula lɛƒɔyɔ kenye.”

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Esekiel 36:23

Na kadi bamba bekyuli banu kalɛ na mina lɛnyi liikeye. Na bɛnu bɛti ka ami ndi Unwoti Katɔti. Ami násu.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Kɔgya 111:9

Unwoti uukpó taaƒɔ nwuna bekyuli. Na ulalɛ bunyimi bɔni na únyimi ku nwuna bekyuli kama kudii. Use kedee na ɔlɛka bɔyia-nwu.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Budie Taatina 5:12

Na katɔ batu bamɛni bédie ɔnu ku lɛdi momoomo banini, “Awɔ ndi Koƒonu Ubi ɔni na béti bákpa. Na ámanku éte ɔyikun ku lɛlakɛ ku lɛnunda ku ɔlɔkplu ku ɔbu ku bumwi ku linugya.”

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Mateo 7:11

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Yesaia 63:16

Nsu awɔ ndi-bu Katɔti, ina ka Abraham ku Yakob ƒui basɔ baaagyi-bu aani bana bebi ni, awɔ Unwoti ndi bula ɔti, na Udiene na adi ete-bu ɔ́si kukuuku.

Kɔgya 72:18

Bimwi Unwoti Israel Katɔti, ɔsika anwu kani mɔɔbla akɔla ala budie taatina amɛni udu.

Mateo 26:29

Na mɔɔsu-mii geen ka ni, nsɔ lɛɛɛdubo ntɛ bɔmɛni udu bɔdi bɔni ntu limeyi lɛni na ami ku-mii bɔdubɔni ntɛ bɔwɔdi na Katɔti lɛga kadikɔ.”

Mateo 23:9

Na bina akɔ ni, bitalɔ ukyuli ɔdi na kayawi mɛni bɛnii Blɔti, ɔsika Blɔti unwi pɛ na bibo. Na ɔkya katɔ.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Ala Alɛdi 2 20:6

na ɔ́kpali Unwoti úvele ɔnini, “Awɔ Unwoti ndi Katɔti ɔni na bula bati kuuku bákpa. Na eli katɔ kakaaka mmɔ na aadi kayawi kamɛni kadi biala bekyuli lɛlɔ. Na ebo ɔyikun geen ɔni na ukyuli ɔdi biala ulakana-a lɛlɔ bɔdi.

Luka 15:18

Ndubo bɔta na lɛsɔ linwini nteesie mina ɔti kudɔ, na ntásu-nwu nnii, “Ati, lɛ́bla likpidi na lɛ́ƒiɔ Katɔti ku awɔ lɛnɔ.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Baga 1 8:43

na enu asiku katɔ kesii kani na eli mmɔ. Na abla lɛla biala na ɔƒɔ ɔmmɔ uye-ɔ ete-nwu kalɛ na kayawi ƒui benu ƒula lɛnyi na bayia-a aani kalɛ na ƒula kadi bekyuli Israelƒuɔ baabla. Na badubo bɔnu bɔti ka kakpakɔ kani lɛ́tu mɛni ni, ƒula lɛnyi lɛsia-ka lɛlɔ sɔsɔ.

Habakuk 2:14

Kalɛ na ɛpu ɔɔƒɔ́ ntu na uuyi ni, lɛni kani na bekyuli bani mɔɔbu na baayia Unwoti badubɔƒɔ kalɔ kammɔ lɛlɔ ƒui.

Esekiel 38:23

Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”

Ala Alɛdi 1 17:24

Na ƒula lɛnyi lɛdubɔƒɔ kuye lisie ɔgyu uwi ƒui, na bekyuli ƒui badubɔsu banii, ‘Unwoti Ɔyikune Ƒui mɔɔdi Israel lɛlɔ na ɔdi bana Katɔti.’ Na mina lɛgakadikɔ kadubunye kpakplaa.

Samuel 2 7:26

Na ƒula lɛnyi lɛdubusie ɔgyu uti úsela uwi ƒui. Na kadi ƒui bekyuli badubɔsu banini, ‘Unwoti Katɔti Ɔyikune Ƒui mɔɔdi Israelƒuɔ lɛlɔ. Na Dawid kaba kemmo bebi ndi bagadine bani na ɔ́ƒuna.’

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Luka 15:21

“Mmɔ na ubidi ɔ́su-nwu ɔnini, ‘Ati, lɛ́bla likpidi lɛ́ƒiɔ Katɔti, na lɛ́ƒiɔ awɔ lɛnɔ. Na ńsɔ ńtamanku ka alɔ-mi anii ubi lɛnɔ!’

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Mateo 6:14

“Na si bíti bina bekyulikpana bɔƒiɔ bɛkyiɛ-ma ni, bina Katɔti lɛnɔ ɔdubuti bina ɔdi ɔkyiɛ amii lɛnɔ.

Mateo 6:6

Na si aakpali katɔ ni, duo ƒula katɔma na akalɛ ɔtɔ, na akpali ƒ'ɔti ɔni na balanu. Na anwu ɔni mɔɔnu-ɔ uwi ɔni na bekyuli bamba balánu-ɔ ni, ɔdubɔƒɔ-ɔ kayu.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Galatiƒuɔ 1:1

Ami Paulo ɔni ndi Kristo ɔtalane ni, mina bɔlɔ bútasi bekyuli kudɔ iye ɔɔɔdi ukyuli ɔdi náƒuna-mi. Mmomu mina bɔlɔ bɔ́si Yesu Kristo ku Katɔti ɔni nágyila Yesu ɔmmɔ ɔ́lɛku bekpine akɔ kudɔ.

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Mateo 26:42

Amu na Yesu ɔ́sɔ únwini úsie kunyɔdi na ɔ́kpali ɔnini, “Mina Ɔti, si lɛbibo lɛni ndubo buti mɛni lilávi-mi lɛlɔ na ɔdi-ɔ lɛƒɔyɔ ka liti-ni ni, ya na ɔlɛ lɛni.”

Yesaia 37:20

Na ɔƒɛni ni, O Unwoti, buvele na bɔda-a bɔnii die-bu na nwuna enu kemmo, kalɛ na kayawi lɛga kɔdikɔ ƒui bekyuli banu bati ka awɔ kani ndi Unwoti ku Katɔti ɔmmɔ.”

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Mateo 10:29

Baasɛ wɛlɛ wɛlɛ bani na akana eye bana inyɔ ku kaplɛ unwi muedi ni, ɔdi ulekpi na Katɔti kama.