Mateo 6:6 - Katɔti Ɔku Kedee

⁶ Na si aakpali katɔ ni, duo ƒula katɔma na akalɛ ɔtɔ, na akpali ƒ'ɔti ɔni na balanu. Na anwu ɔni mɔɔnu-ɔ uwi ɔni na bekyuli bamba balánu-ɔ ni, ɔdubɔƒɔ-ɔ kayu.

Mateo 6:6 Referans Kwoze

Baga 2 4:33

Amu na útéduo ɔtɔ ɔmmɔ kemmo na ɔ́ni ɔtɔ ɔmmɔ ɔ́mana na bana inyɔ lɛti bakya ɔtɔ ɔmmɔ kemmo na ɔ́kpali Unwoti.

Mateo 14:23

Ɔmɛni kama ni, anwu lɛti ɔ́kɔ úsie kɔbi lili na útákpali katɔ. Na usien ɔmmɔ ƒui ni, anwu lɛti pɛ kani nkya mmɔ.

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Batalane Kabla 9:40

Amu na Petro ɔ́su bana ƒui ɔnii bavi balɛ ɔtɔ ɔmmɔ kemmo, na ɔ́lɛ akɔnkɔ na ɔ́kpali katɔ. Amu na únwini anumi ɔ́tina Dorka na ɔ́su-nwu ɔnini, “Dorka, ta!” Mmɔ kani na úbimi anumi. Na ka ɔ́nya ɔ́nu Petro ni, ɔ́ta úlie.

Yesaia 26:20

Mina bekyuli, bɛgyu lɛgba na bitákalɛ lɛlɔ bɛkya lɛtɔ wetédu ka Unwoti kɔnyi kɔni ala na ɔdubo bina bekisine bɔbla kɔ́vi.

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Mateo 6:18

Ɔmɛni ɔdubɔya na bekyuli baláti banii biilie kɔka. Mmomu ƒ'ɔti ɔni nkya kesii biala ndubɔti. Na anwu ɔni mɔɔnu ala ani na bekyuli balánu ni, anwu kani ndubɔƒɔ-mii kayu.

Batalane Kabla 10:9

Amu ka kadi kégye na bakɛ bésela na badaku ɔma ɔmɛni bɔkpɛ bude ni, Petro ɔ́kɔ úsie nwuna lɛsa lili ɔnii utákpali katɔ ɔƒiiwi.

Mateo 6:4

Na ƒula Katɔti ɔni mɔɔnu ala abuni ani na bekyuli bátanu uwi ɔni na aabla-nya ni, ɔdubɔƒɔ-ɔ kayu.

Eƒesoƒuɔ 3:14

Ɔmɛni ɔsu mɔɔlɛ akɔnkɔ teevele Katɔti.

Romaƒuɔ 8:5

Bekyuli bani nli na bana ɔlɔna udu ɔkukudi bɔyɔ kenye ni, bana kasusu kaasia ala ani na bana ɔlɔna ɔɔyɔ́ lɛlɔ. Nsu bani nli ɔkɛnku Katɔti Kɔyu lɛlɔ ni, bana kasusu kaasia lɛla lɛni na Katɔti Kɔyu kɔɔyɔ́ lɛlɔ.

Batalane Kabla 10:30

Na ɔmɛni ɔsu ni, Kornelio ɔ́su-nwu ɔnini, “Ɔbla emeyi ene mɛni aani uwi ɔmɛni kemmo ka nkya mɔɔkpali katɔ ɔƒiiwi aani kalɛ na mɔɔyɔ́ bɔbla uwi ndi uwi. Na kɔnakunwi ni, ɔnana ɔdi ɔ́si úbenye-mi anumi, na ɔkya awu ɔni muukeye na ɔɔtu anumi!

Yohane 1:48

Natanael úye-nwu ɔnini, “Dɛ na ábla na agyi ukyuli ɔni udu na ndi?” Yesu údie kenye ɔnini, “Mɔɔnu-ɔ kukuuku na kɔdingyii kɔni kalɔ na eli asa na Ƒilipo úbo úbalɔ-ɔ.”

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Agba 25:22

Ɔsika si ábla lɛni ni, édie ogya ku agyabi éwi-nwu lili. Na Unwoti ɔdubɔƒɔ-ɔ kayu.